Reikningar til Borgarbyggðar vegna kaupa á vöru og þjónustu
Alla reikninga til Borgarbyggðar skal senda með rafrænum hætti í gegnum skeytamiðlun. Vinsamlega ekki senda pappír samhliða rafrænum reikningum og það er ekki nægjanlegt að senda aðeins kröfu í banka.
Tekið er við reikningum á þessar kennitölur:
- Borgarbyggð kt. 510694-2289
- Ljósleiðari Borgarbyggðar kt. 550318-1560
Rafrænir reikningar
Mörg bókhaldskerfi bjóða uppá að senda reikninga úr bókhaldskerfi með skeytamiðlun. Þjónustuaðilar fjárhagskerfa og skeytamiðlarar veita nánari upplýsingar um rafræna reikninga og hvaða leiðir eru í boði.
Fyrir aðila sem eru ekki með bókhaldskerfi má benda á ýmsar veflausnir þar sem hægt er að skrá reikninga og senda rafrænt, til dæmis Inexchange ehf.
Að senda reikninga – InExchange
Innihald reikninga
Reikningur þarf að innihalda sundurliðun á vöru og/eða þjónustu, magn og einingarverð ásamt öðrum lögbundnum upplýsingum á reikningi.
Aðrar mikilvægar upplýsingar sem þurfa að koma fram:
- Nafn og kennitala þess aðila sem pantar.
- Nafn deildar eða verkefnis.
- Sundurliðun á vinnu og efni/vörum.
- Upplýsingar um greiðslutilhögun, þ.e. númer bankareiknings eða kröfunúmer.
- Viðbótar upplýsingar eins og t.d. beiðnir, tíma- og verkskýrslur og önnur mikilvæg gögn skal senda sem viðhengi á pdf formi með rafrænu reikningunum.
Nánari upplýsingar varðandi móttöku reikninga
- Borgarbyggð áskilur sér 20 daga greiðslufrest frá móttökudegi reiknings, nema um annað hafi verið samið.
- Allir reikningar eru sendir í rafræna uppáskrift og þurfa samþykki eins til tveggja starfsmanna áður en þeir eru greiddir.
- Ef reikningur inniheldur ekki nægjanlegar upplýsingar til að meta hvert skuli senda hann í rafræna uppáskrift eða svo hægt sé að staðfesta réttmæti hans gildir ekki 20 daga greiðslufrestur.
Allar nánari upplýsingar gefa starfmenn Borgarbyggðar – vinsamlega hafið samband á netfangið borgarbyggd@borgarbyggd.is