Sundlaugar og íþróttamannvirki

Sundlaugar og íþróttamannvirki eru á þremur stöðum í Borgarbyggð, í Borgarnesi, á Kleppjárnsreykjum og á Varmalandi.

 

Skallagrímsvöllur Völlurinn, sem er við Íþróttamiðstöðina í Borgarnesi er 105m x 68m að stærð, við hann er grasstúka fyrir áhorfendur og 6 brauta fullkominn frjálsíþróttavöllur lagður Politan gerfiefni þar sem trimmarar og skokkarar hafa einnig aðgang að. Við enda vallarins er 115 x 80 m æfingasvæði fyrir knattspyrnuiðkun og tilhliðar við æfingavöllinn er sparksvæði sem almenningur hefur aðgang að.Bent er á heimasíðu Ungmennafélagsins Skallagríms varðandi mót og æfingar á vellinum. 

 

Sundlaugin og íþróttamiðstöðin í Borgarnesi Þorsteinsgötu 1
Sími: 433 7140
Netfang: sundlaug@borgarbyggd.isÍ íþróttamiðstöðinni í Borgarnesi fara fram skólaíþróttir barna í Grunnskólanum í Borgarnesi, ásamt íþróttaæfingum íþróttafélaga í Borgarbyggð.Sundlaugin í Borgarnesi er staður fyrir alla fjölskylduna. Á svæðinu er að finna þrjá heitapotta, innilaug, útilaug og vaðlaug. Þrjár rennibrautir eru á útisvæðinu sem njóta mikilla vinsælda.
Ásamt þessu má finna gufubað, sánu og kaldan pott.Einnig er þar að finna aðal þreksal Borgarbyggðar með öllum helsta búnað til iðkunar líkamsræktar. 

 

Sundlaugin og íþróttamiðstöðin á VarmalandiVarmalandi
Sími: 437 1401 Sundlaugin á Varmalandi er opin almenningi á sumrin.Sumaropnun 6.júní – 17.ágúst opið alla daga frá 14:00 – 20:00. Vetrarlokun frá 17. ágúst til júní 2026Íþróttamiðstöðin á Varmalandi er fyrst og fremst skólamannvirki á veturna en almenningur getur komist í þreksal, heitan pott og sundlaug á skólatíma verði því við komið vegna kennslu.

Æfingar hjá Ungmennafélagi Stafholtstungna eru seinni part dags og auglýstar sérstaklega í Grunnskóla Borgarfjarðar og víðar.

 

Á sumrin er rekið tjaldstæði á svæðinu.

 

Félagsheimilið Þinghamar er leigt út fyrir ýmiss tilefni (t.d. ættarmót).

 

 

Sundlaugin og íþróttamiðstöðin á KleppjárnsreykjumKleppjárnsreykjum
Sími: 435 1140. Í Íþróttamiðstöðinni á Kleppjárnsreykjum fara fram skólaíþróttir barna í Grunnskóla Borgarfjarðar, Kleppjárnsreykjardeild, sundæfingar og þrek. Æfingar hjá Ungmennafélagi Reykdæla eru auglýstar á töflu íþróttamiðstöðvarinnar, í Grunnskóla Borgarfjarðar og víðar. 

Sumaropnun 2026 (6. júní – 14. ágúst):

 

    • Mánudaga – föstudaga: kl. 09:00 – 18:00

 

    • Laugardaga – sunnudaga: kl. 09:00 – 18:00