Skipulags- og byggingarnefnd Borgarbyggðar

1. Holtavörðuheiðalína 1_Kynning umhverfismatsskýrslu (mat á umhverfisáhrifum)

Lögð er fram umsagnarbeiðni úr skipulagsgátt dags. 4.10.2024 þar sem óskað er eftir umsögn Borgarbyggðar um umhverfismatsskýrslu Holtavörðuheiðalínu 1 dags. 18.09.2024. Skýrslan samanstendur af greinargerð, uppdráttum og 12 viðaukum. Umhverfismatsskýrslan er lögð fyrir fundin, hin gögnin eru aðgengileg í skipulagsgátt og er málið nr. 1187/2024. Kynningarfundur var haldinn á Hótel Hamri 23. október sl.

Skipulags- og byggingarnefnd gerir ekki athugasemd við umhverfismatsskýrslu Holtavörðuheiðalínu 1 og vísar til endanlegrar afgreiðslu hjá sveitarstjórn.



Samþykkt samhljóða.

2. Efra-Nes - umsókn um aðalskipulagsbreytingu - L134858

Lögð er fram skipulagslýsing fyrir breytingu á Aðalskipulagi Borgarbyggðar 2010-2022 í landi Efra-Ness (lnr. 134858) skv. 30. gr. skipulagslaga nr. 123/2010.

Fyrirhugað er að breyta landnotkun á um 10 ha svæði í landi Efra-Ness úr landbúnaði í verslun og þjónustusvæði (S9). Breyting verður gerð bæði á uppdrætti og í greinagerð aðalskipulags. Fyrirhugað er að byggja upp frekari ferðaþjónustu á svæðinu með allt að 60 gistitjöldum á steyptri plötu með hitalögnum og salerni í hverju tjaldi, tvö af þeim verða stærri þjónustutjöld. Svæðið verði byggt upp í áföngum. Aðkoma að svæðinu er frá Kaðalstaðavegi (5250). Hönnuður er á lista Skipulagsstofnunar um samþykkta ráðgjafa.

Skipulags- og byggingarnefnd leggur til við sveitarstjórn að samþykkja framlagða lýsingu til auglýsingar fyrir Efra-Nes skv. 30. gr. skipulagslaga nr. 123/2010.



Samþykkt samhljóða.

3. Brekkukot - umsókn um aðalskipulagsbreytingu - L134386

Lögð er fram skipulagslýsing fyrir breytingu á Aðalskipulagi Borgarbyggðar 2010-2022 í landi Brekkukots (lnr. 134386) skv. 30. gr. skipulagslaga nr. 123/2010.

Lýsingin fjallar um fyrirhugaða breytingu á aðalskipulagi Borgarbyggðar 2010-2022 sem og nýtt deiliskipulagi fyrir sama skipulagssvæði. Fyrirhuguð breyting á aðalskipulagi felur í sér breytingu á landnotkun á 20 ha spildu úr landi Brekkukots (Landnr. L134386) frá landbúnaðarlandi yfir í íbúðarbyggð. Breyting verður gerð á greinagerð aðalskipulags og á uppdrætti. Á svæðinu hefur landeigandi uppi áform um að útbúa 6 lóðir fyrir íbúðarhús, til viðbótar við eitt íbúðarhús sem er til staðar á svæðinu nú þegar, Brekkuhvamm (Landnr. L178781). Aðkoma að svæðinu er frá Borgarfjarðarbraut (50). Hönnuður er á lista Skipulagsstofnunar um samþykkta ráðgjafa. Einnig er lögð fram fornleifaskráning fyrir Brekkukot frá árinu 2024.

Skipulags- og byggingarnefnd leggur til við sveitarstjórn að samþykkja framlagða lýsingu til auglýsingar fyrir Brekkukot (lnr. 134386) skv. 30. gr. skipulagslaga nr. 123/2010. Lýsingin fjallar um fyrirhugaða breytingu á aðalskipulagi Borgarbyggðar 2010-2022 sem og nýtt deiliskipulagi fyrir sama skipulagssvæði. Fyrirhuguð breyting á aðalskipulagi felur í sér breytingu á landnotkun á 20 ha spildu úr landi Brekkukots (Landnr. L134386) frá landbúnaðarlandi yfir í íbúðarbyggð. Breyting verður gerð á greinagerð aðalskipulags og á uppdrætti. Á svæðinu hefur landeigandi uppi áform um að útbúa 6 lóðir fyrir íbúðarhús, til viðbótar við eitt íbúðarhús sem er til staðar á svæðinu nú þegar, Brekkuhvamm (Landnr. L178781). Aðkoma að svæðinu er frá Borgarfjarðarbraut (50). Hönnuður er á lista Skipulagsstofnunar um samþykkta ráðgjafa. Einnig er lögð fram fornleifaskráning fyrir Brekkukot frá árinu 2024.



Samþykkt samhljóða.

4. Athafnasvæði Kárastaðaflugvallar - umsókn um framkvæmdarleyfi - 2215061001

Afgreiðsla 43. afgreiðslufundar skipulagsfulltrúa: "Skipulagsfulltrúi vísar erindinu áfram til umræðu og ákvörðunar í skipulags- og byggingarnefnd."

Lögð er fram umsókn fh. flugklúbbsins Kára, dags. 3.10.2024 um framkvæmdaleyfi vegna efnistöku úr malarnámu á athafnasvæði Kárastaðaflugvallar. Svæðið er vestan brautar á móti flugskýli. Efni hefur verið tekið áður til uppbyggingar flugbrautar (2014) og yrði að mestu nýtt í annan áfanga í frágangi á öryggissvæðum í kringum brautina. Samkvæmt samningi milli Samgönguráðuneytis og Borgarbyggðar frá 2007 er gert ráð fyrir að fylla í um 1.500 metra af skurðum sem liggja meðfram flugbrautinni. Búið er að fylla í hluta þessara skurða nú þegar en aðrir eru ófylltir. Byrjað verði á að fylla í þá skurði sem eru næst flugbrautinni en óvíst hvort þurfi að fylla í skurði fjærst brautinni. Skurðirnir verða fylltir af grjóti úr námunni sem er við suðvesturenda brautar. Framkvæmdin verður í samráði við framkvæmdasvið ISAVIA og Flugmálafélag Íslands. Áætlað magn er um 12-14 þúsund rúmmetrar af grjóti.

Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir að gefa út framkvæmdaleyfi vegna efnistöku úr malarnámu við Kárastaðaflugvöll og fyllingu í skurði með vísan til framlagðra gagna. Skipulags- og byggingarnefnd felur skipulagsfulltrúa að skrá framangreint efnistökusvæði inn á aðalskipulag Borgarbyggðar.



Samþykkt samhljóða.

5. Básar 27 Svartagil _ Umsókn um deiliskipulag

Á 68. fundi skipulags- og byggingarnefndar, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, þann 6.9.2024 var samþykkt að grenndarkynna fyrirhugaða breytingu á deiliskipulagi Svartagils í Norðurárdalshreppi frá árinu 1995 sem á við um lóðina Básar 27, dags. 12.08.2024.

Í greingerð deiliskipulags er leyfileg stærð sumarbústaða 300 m3 en í breytingu er heildarbyggingarmagn aukið upp í 250 m2 (900 m3). Aðrir skilmálar gildandi deiliskipulags haldast óbreyttir.

Kynnt var frá 24.09.2024 til og með 23.10.2024 fyrir nágrönnum og öðrum hagsmunaaðilum bréflega. Níu athugasemdir voru gerðar við breytinguna á kynningartíma.

Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, vísar málinu til frekari meðferðar hjá skipulagsfulltrúa og fer fram á að gerð verði heildarendurskoðun á gildandi deiliskipulagi.



Samþykkt samhljóða.

6. Húnabyggð_Aðalskipulag Húnabyggðar 2025-2037

Lögð er fram umsagnarbeiðni úr skipulagsgátt dags. 28.10.2024 þar sem óskað er eftir umsögn Borgarbyggðar um skipulagslýsingu Aðalskipulags Húnabyggðar 2025-2037 dags. í október 2024. Ábendingar sem berast við lýsinguna verða nýttar til að skilgreina verkefnið frekar. Markmiðið er að með ábendingum sem berast takist að skilgreina verkefnið á þann hátt að aðalskipulagið taki á öllum þeim helstu þáttum sem skipta máli við framtíðarþróun sveitarfélagsins Húnabyggðar. Málið er númer nr. 1293/2024 í skipulagsgátt.

Skipulags- og byggingarnefnd gerir ekki athugasemd við skipulagslýsingu Aðalskipulags Húnabyggðar 2025-2037 og vísar til endanlegrar afgreiðslu hjá sveitarstjórn.



Samþhykkt samhljóða.

7. Fyrirspurn um skipulagsmál - Hvítárbakki 7

Lögð er fram fyrirspurn landeiganda Hvítárbakka 7 (lnr. 179429) þar sem óskað er eftir að breyta landnotkun og heimila staðsetningu á 6 starfsmannahúsum á landinu. Landnotkun verði breytt verði úr Samfélagsþjónustu (S208) yfir í Verslun og þjónustu.

Skipulags- og byggingarnefnd tekur jákvætt í að breyta landnotkun á svæðinu og bendir umsækjanda á að endurskoðun aðalskipulags er í vinnslu hjá sveitarfélaginu. Jafnframt bendir skipulags- og byggingarnefnd á að gera þarf deiliskipulag vegna þeirrar uppbyggingar sem fyrirhuguð er.



Samþykkt samhljóða.

8. Fjárhagsáætlun 2025 skip og bygg

Fyrri umræða um fjárhagsáætlun 2025.

Skipulags- og byggingarnefnd fór yfir þá málaflokka í fjárhagsáætlun 2025 sem heyra undir nefndina.

9. Afgreiðslufundur skipulagsfulltrúa - 42

Lögð er fram fundargerð afgreiðslufundar skipulagsfulltrúa nr. 42.

10. Afgreiðslufundur skipulagsfulltrúa - 43

Lögð er fram fundargerð afgreiðslufundar skipulagsfulltrúa nr. 43.

11. Afgreiðslur byggingarfulltrúa - 234

Lögð er fram fundargerð afgreiðslufundar byggingarfulltrúa nr. 234.