Dagana 30. júní til 2. júlí verður haldið vinabæjamót í Borgarbyggð. Sveitarfélagið Borgarbyggð og Borgarfjarðardeild Norræna félagsins hafa haft veg og vanda að undirbúningi mótsins. Tæplega 60 gestir frá vinabæjunum Borgarbyggðar munu taka þátt í mótinu. Vinabæir Borgarbyggðar eru: Ullensaker í Noregi, Falkenberg í Svíþjóð, Odsherred í Danmörku og Eysturkommuna í Færeyjum.
Flestir gestanna er á vegum norrænu félaganna en fulltrúar úr sveitarstjórnum taka einnig þátt. Mótið verður formlega sett laugardaginn 1. júlí í Skallagrímsgarði í Borgarnesi, en þátttakendur munu síðan fara víða um Borgarfjörð, funda og kynna sér borgfirska menningu. Vinabæjamót hafa verið haldin á tveggja ára fresti og skapa þau tækifæri til frekar samstarfs þessara aðila.
Tengdar fréttir
Framkvæmdir á Hringveginum í gegnum Borgarnes
Sunnudagskvöldið 16. ágúst og mánudagskvöldið 17. ágúst er stefnt á að fræsa Hringveginn í gegnum Borgarnes frá Borgarbraut að brú yfir Borgarfjörð. Veginum er lokað á meðan framkvæmdir standa yfir en merkt verður hjáleið um Borgarfjarðarbraut. Áætlað er að framkvæmdirnar standi frá kl. 21:00 til kl. 07:00 bæði kvöld . Merkingar og upplýsingaskilti verða sett upp skv. viðhengdri merkingaráætlun, sem að má finna hér, Lokunarplan Vegfarendur eru …
Ert þú að bjóða upp á íþrótta- eða tómstundastarf fyrir börn og ungmenni í Borgarbyggð?
Nú er verið að taka saman framboðsbækling fyrir komandi starfsár og viljum við tryggja að sem flestir aðilar eigi þar sinn stað. Ef þú býður upp á námskeið, æfingar, klúbbastarf eða aðra tómstunir fyrir börn og ungmenni, þá hvetjum við þig til að senda okkur upplýsingar á sonjalind@borgarbyggd.is. Frestur til að senda inn upplýsingar er til og með 17. ágúst nk.