Dagana 27. – 28. september fór fram ráðstefnan Nordic Baltic Youth Summit í Vilníus í Litháen. Ráðstefnan var haldin af Norrænu ráðherranefndinni í samstarfi við LiJOT, Ungmennaráð Litháens og LSU, Landsráð sænskra barna- og ungmennasamtaka. Markmið ráðstefnunnar var að styrkja tengsl og efla til samstarfs milli ungmenna á Norðurlöndunum og í Eystrasaltslöndunum.
Fulltrúar komu frá Danmörku,Íslandi, Eistlandi, Lettlandi, Litháen, Noregi, Svíþjóð, Grænlandi, Álandseyjum og Færeyjum. Samfés sá um að skipuleggja för íslenska hópsins, en um 25 íslenskir fulltrúar frá hinum ýmsu samtökum og ungmennaráðum sóttu ráðstefnuna. Þeirra á meðal voru þrír fulltrúar frá Ungmennaráði Borgarbyggðar sem sóttu vinnustofur og lögðu sitt af mörkum í mótun tillaga sem Norræna ráðherranefndin fékk afhentar í lok ráðstefnunnar.
Fulltrúar Borgarbyggðar voru þau Ernir Daði A. Sigurðsson, Hrafnhildur Ósk Orradóttir og Marta Lukka Magnúsdóttir og stóðu þau sig með stakri prýði. Við þökkum þeim kærlega fyrir að leggja sitt af mörkum á þessum mikilvæga viðburði fyrir hönd Borgarbyggðar og hlökkum til að fylgjast áfram með störfum Ungmennaráðs Borgarbyggðar á næstu misserum.
Tengdar fréttir
Söfnun á rúlluplasti
Söfnun á rúlluplasti fer fram nú í lok vikunnar (12.-20. janúar) og áfram í byrjun næstu viku. Bændur eru beðnir um að hafa plastið vel til reiðu og aðgengilegt þannig að hægt sé að sækja það fljótt og örugglega. Mikilvægt varðandi söfnun núna Bændur skulu tryggja að plastið sé snyrtilega frá gengið. Aðeins má skila rúlluplasti – ekki öðru plasti, …
Þjónustukönnun Borgarbyggðar 2026
Borgarbyggð hefur lagt fyrir þjónustukönnun með það að markmiði að kanna upplifun íbúa af þjónustu sveitarfélagsins og greina tækifæri til umbóta þar sem þörf er á. Könnun þessi er mikilvægur liður í að fá skýra mynd af viðhorfum til þjónustunnar. Við leggjum mikla áherslu á að hlusta á raddir íbúa og fá skýra mynd af því sem vel er gert …