Á 230. fundi fræðslunefndar Borgarbyggðar dags. 1. febrúar 2024 var lögð fram tillaga um að skólahald á Varmalandi myndi taka breytingum frá og með næsta hausti. Tillagan lýtur að því að á Varmalandi verði starfrækt grunnskóladeild frá 1. til 4. bekk að báðum bekkjardeildum meðtöldum.
Í því felst að frá og með haustinu 2024 myndu nemendur 5. til 10. bekkjar sækja skóla annað hvort í Grunnskóla Borgarfjarðar á Kleppjárnsreykjum eða í Grunnskólann í Borgarnesi.
Fræðslunefnd óskar eftir umsögnum um tillöguna áður en málið verður tekið fyrir að nýju á næsta fundi nefndarinnar sem fram fer 1. mars nk. Óskað er eftir því að í umsögn komi fram nafn, kennitala og netfang.
Umsagnir sendist á thjonustuver@borgarbyggd.is (Efni: Umsögn vegna tillögu um breytingar á Varmalandi)
Tengdar fréttir
Íbúafundir um mótun þjónustustefnu Borgarbyggðar 2027
Íbúafundir um þjónustustefnu Borgarbyggðar 2027 Borgarbyggð býður íbúum til íbúafunda um þjónustustefnu sveitarfélagsins fyrir árið 2027. Þar gefst íbúum tækifæri til að kynna sér stefnuna, ræða áherslur hennar og koma sjónarmiðum sínum á framfæri. Hvað er þjónustustefna? Þjónustustefna er stefna sveitarfélagsins um þá þjónustu sem það hyggst veita í öllum byggðarlögum þess, einkum utan stærstu þéttbýliskjarna. Í henni kemur fram …
Borvinna og sprengingar hefjast við Birkiklett og Húsasmiðjuna.
Vegna framkvæmda við Birkiklett og Húsasmiðjuna stendur nú yfir borunvinna. Stefnt er að því að hefja sprengingar mánudaginn 2. nóvember og er áætlað að þær standi yfir í tvær vikur Jarðvinna er unnin af Borgarverki. Við biðjumst velvirðingar á þeim óþægindum sem framkvæmdirnar kunna að valda og þökkum fyrir skilninginn.