Spennandi sumarnámskeið fyrir börn fædd 2011 – 2014.
Dansnámskeið
Tveggja vikna námskeið í Borgarnesi frá 24. Júní – 5 júlí 2024
Tími: Kl 13:00 – 14:00
Staðsetning: Íþróttahúsið í Borgarnesi.
Verð: 5.300 kr.
Viku námskeið á Kleppjárnsreykjum 08. – 12. júlí 2024
Tími: Kl 14:00 – 15:00
Staðsetning: Íþróttahúsið á Kleppjárnsreykjum
Verð: 2.650 kr.
Markmið námskeiðsins er að hafa gaman, læra skemmtilega dansa í takt við skemmtilega tónlist.
Um Nadíu kennara námskeiðsins:
Nadía hefur æft dans frá 6. ára aldri. Hún hefur æft ýmsa dansstíla eins og ballet, jazzballet, nútímadans, musical theatre, stepdans og fleiri stíla en hefur lagt áherslu á street dans stíla eins og hiphop, dancehall, house og fleira frá 11 ára aldri og hefur kennt síðastliðinn þrjú ár nemendum alveg frá 5 ára aldri.
Hún hefur undirbúið og tekið þátt í fullt af sýningum bæði hér á landi og erlendis. Sýnt á sýningum eins og Barnamenningarhátíðinni í Eldborg, Hörpu, út um allan miðbæ Reykjavíkur á 17. júní, Menningarnótt og fleiri hátíðum, í auglýsingum, myndböndum og fleira. Hún hefur einnig keppt bæði hér á landi og í Svíþjóð, Ítalíu og Portúgal.
Nadía er hress og orkumikill dansari sem er spennt að taka á móti ykkur og kynna ykkur fyrir flottum og skemmtilegum street dans stílum sem eru vinsælir út um allan heim.
Námskeið með Húlludúllu í Borgarnesi
Hvenær: 18.-21 júní 2024
Tími: 16:00 – 18:00
Staðsetning: Íþróttahúsinu í Borgarnesi
Verð: 4.240 kr.
Hver er Húlladúllan?
Húlladúllan er Unnur María Máney Bergsveinsdóttir. Hún er sjálfstætt starfandi sirkuslistakona, búsett á Ólafsfirði. Hún hefur starfað með Sirkus Íslands og breska sirkusnum Let’s Circus og hefur komið fram á ýmsum sirkussýningum í Frakklandi, Bretlandi og í Mexíkó. Auk þess að leika listir sínar kennir hún bæði börnum og fullorðnum hinar ýmsu sirkuslistir, með sérstakri áherslu á húlla, akró, loftfimleika og jafnvægiskúnstir. Hún lauk húllakennaranámi frá Live Love Hoop í Bristol árið 2016 og alþjóðlegu Social Circus kennaranámi á vegum Caravan sirkussamtakanna og Evrópusambandsins árið 2019. Unnur Máney starfar einnig með kabarettinum Drag-Súgi og með Reykjavík Kabarett og er stofnandi Akró Ísland hópsins.
https://hulladullan.is/
Skráning fer fram á síðunni www.sumar.vala.is
Frekari upplýsingar veitir Hugrún Hulda forstöðukona í sumarfjörinu.
S: 847-7997
Tölvupóstur: hugrun.gudjonsdottir@borgarbyggd.is
Tengdar fréttir
Breytingar hjá Slökkviliði Borgarbyggðar og Bjarni Kr. fer í ný verkefni í vor
Byggðarráð Borgarbyggðar samþykkti 15. október 2026 tillögu slökkviliðsstjóra og sveitarstjóra um breytt skipurit Slökkviliðs Borgarbyggðar. Markmiðið er að efla eldvarnaeftirlit og forvarnir og nýta stöðugildi slökkviliðsins þar sem þörfin og áhættan er mest. Fastir starfsmenn slökkviliðsins í fullu starfi verða áfram tveir, slökkviliðsstjóri og eldvarnaeftirlitsmaður. Staða aðstoðarslökkviliðsstjóra er lögð niður og í staðinn verður ráðinn eldvarnaeftirlitsmaður í fullt starf. Fjöldi …
Heilahjálp með fræðslu um heilabilun í Borgarnesi
Heilahjálp – samtök um heilabilun (áður Alzheimersamtökin) bjóða til opinnar fræðslu um heilabilun, góð samskipti og stuðning við aðstandendur í hátíðarsal Brákarhlíðar fimmtudaginn 19. nóvember kl. 17:00. Aðgangur er ókeypis og öll áhugasöm velkomin. Á fræðslufundunum verður starf samtakanna kynnt og fjallað um þær áskoranir sem einstaklingar með heilabilun og aðstandendur þeirra standa frammi fyrir. Sérstök áhersla verður lögð á …