Hér í Borgarbyggð hefur verið unnið að því að auka við félagsstarf aldraðra. Á fundi með formönnum félaga eldri borgara og Öldungarráði síðastliðið haust var meðal annars rætt hvað mætti bæta þegar kemur að félagsstarfinu. Margar góðar hugmyndir komu fram, m.a. hvort hægt væri að koma á smíðaaðstöðu.
Gaman er að segja frá því að sú hugmynd hefur nú orðið að veruleika í samstarfi við Ölduna. Til stendur að bjóða upp á opna daga í Öldunni, á miðvikudögum og föstudögum frá kl. 09:00-15:00. Á þeim tíma gefst eldri borgurum kostur á að nýta smíðaaðstöðuna sem er þar til staðar en einnig koma að uppbyggingu á verkefninu. Nú nýverið var einnig sett upp gróðurhús og væri gaman ef eldri borgarar hefðu áhuga á því að taka þátt í að gera það blómlegt. Með þessu samstarfi sjáum við fyrir okkur að bæði eldri borgarar og þeir sem sækja Ölduna fái tækifæri til að auka samveru, njóta góðs félagsskapar og þeirra tækifæra sem samstarfið bíður upp á.
Ef óskað er eftir frekari upplýsingum er hægt að hafa samband við Kristínu Kristjánsdóttur, deildarstjóra félagsstarfs aldraðra í síma 433-7270 eða Heiðdísi Rósu Svavarsdóttur, forstöðumann í Öldunni í síma 433-7440
Tengdar fréttir
Mannræktarvika Borgarbyggðar 26. apríl – 3. maí
Dagana 26. apríl – 3. maí verður haldin Mannræktarvika í Borgarbyggð. Markmið vikunnar er að efla samkennd, jákvæðni, gleði og virðingu í samfélaginu okkar og hvetja til þess að við sýnum hvert öðru hlýju í daglegu lífi. Hugmyndin er einföld en getur verið áhrifarík: að framkvæma lítil góðverk sem styrkja samfélagið – og það þarf ekki að kosta neitt. Með …
Vegna almyrkva á sólu 12. ágúst 2026
Frétt af vef Markaðsstofu Vesturlands: Almyrkvi á sólu verður 12. ágúst 2026 og mun sjást frá öllum sveitarfélögum á Vesturlandi – þó mislengi eftir svæðum. Gera má ráð fyrir verulegri aukningu gesta og mikilli umferð á svæðinu, bæði á sólmyrkvadaginn og dagana fyrir og eftir atburðinn. Undirbúningur vegna þessa atburðar er í gangi í samstarfi sveitarfélaga, viðbragðsaðila og annarra hagaðila. …