Guðlaug Erlendsdóttir hefur verið ráðin í starf skólastjóra við Grunnskólann í Borgarnesi.
Guðlaug er með M.ed í stjórnun menntastofnana frá Háskóla Íslands, MA í félagsfræði frá sama skóla og BA í sálar- og afbrotafræði frá háskóla í Suður Afríku. Auk þess er hún með kennsluréttindi frá Kennaraháskóla Ísland og stundar nú doktorsnám við Háskóla Íslands.
Guðlaug er með góða reynslu af stjórnun og kennslu. Hún hefur starfað sem aðstoðarskólastjóri í Grunnskóla Grindavíkur frá 2017 ásamt því að vera deildarstjóri miðstigs frá 2019. Hún hefur starfað við kennslu í skóla í Mósambík og Namibíu og sem umsjónarkennari í Fellaskóla, Brekkubæjarskóla og Grunnskóla Raufarhafnar.
Við bjóðum Guðlaugu velkomna til starfa við Grunnskólann í Borgarnesi. Guðlaug mun formlega hefja störf við skólann frá og með 1. ágúst 2024 en verður með skólastjórnendum einhvern tíma nú í vor við undirbúning næsta skólaárs.
Tengdar fréttir
Nýr meirihluti og sveitarstjóri í Borgarbyggð
Sjálfstæðisflokkurinn og Borgarbyggðarlistinn hafa undirritað málefnasamning og mynda nýjan meirihluta í sameinuðu sveitarfélagi Borgarbyggðar og Skorradalshrepps. Í nýafstöðnum sveitarstjórnarkosningum fékk Sjálfstæðisflokkurinn 29,3% fylgi og þrjá fulltrúa kjörna í sveitarstjórn. Borgarbyggðarlistinn fékk 23,5% fylgi og tvo fulltrúa kjörna. Saman mynda flokkarnir fimm manna meirihluta í sveitarstjórn. Samkvæmt samkomulagi flokkanna verður Sigurður Guðmundsson, oddviti D-lista formaður byggðaráðs og Jovana Pavlovic, oddviti A-lista …
1. fundur Sveitarstjórnar sameinaðs sveitarfélags Borgarbyggðar og Skorradalshrepps
1. fundur Sveitarstjórnar sameinaðs sveitarfélags Borgarbyggðar og Skorradalshrepps fer fram í fundarsalnum Borg í ráðhúsi Borgarbyggðar, fimmtudaginn, 4. júní nk. og hefst kl. 16:00. Hér má sjá dagskrá fundarins: 1. fundur Sveitarstjórnar sameinaðs sveitarfélags Borgarbyggðar og Skorradalshrepps Streymi frá fundinum má finna hér.