Minnum á opna húsið í ráðhúsi Borgarbyggðar miðvikudaginn 19. júní milli kl. 17 og 20 um tillögu að breytingu aðalskipulags og að nýju deiliskipulagi fyrir íþróttasvæðið við Þorsteinsgötu í Borgarnesi. Þá verða kynnt hönnunargögn, svo sem um útlit og staðsetningu, fyrir nýtt fjölnota íþróttahús – knatthús.
Opna húsið verður á þriðju hæð í ráðhúsi Borgarbyggðar við Digranesgötu í Borgarnesi. Á staðnum verða stjórnendur og starfsfólk sveitarfélagsins ásamt hönnuðum og ráðgjöfum frá EFLU og Landmótun.
Eins og fram kom í boðun á opna húsið í byrjun mánaðarins þá ákvað Borgarbyggð að láta vinna vinnslutillögu til kynningar og umsagnar í Skipulagsgátt. Reikna má með að deiliskipulagstillaga verði tekin fyrir hjá sveitarfélaginu í sumnar. Í kjölfarið er áætlað að hún verði auglýst í Skipulagsgátt og gefst þá a.m.k. sex vikna frestur til að skila inn athugasemdum.
Íbúar eru hvattir til að koma á opna húsið og halda áfram að kynna sér þau áform sem uppi eru um nýtt fjölnota íþróttahús – knatthús og uppbyggingu á íþróttasvæðinu.
Tengdar fréttir
Þjóðaratkvæðagreiðsla um aðildarviðræður við ESB
Þjóðaratkvæðagreiðsla um aðildarviðræður við ESB Við þjóðaratkvæðagreiðslu 29. ágúst 2026 er skipan í kjördeildir í Borgarbyggð sem hér segir: Borgarneskjördeild í Hjálmakletti í Borgarnesi Þar kjósa íbúar á svæðinu milli Hítarár og Gljúfurár, á Hvanneyri og Andakíl. Kjörfundur hefst kl. 9:00 og lýkur kl. 22:00. Lindartungukjördeild í félagsheimilinu Lindartungu Þar kjósa íbúar á svæðinu milli Hítarár og Haffjarðarár. Kjörfundur hefst kl. 10:00 og lýkur kl. 18:00. …
Framkvæmdir á Hringveginum í gegnum Borgarnes
Kvöldin 16. ágúst, 17. ágúst og 18. ágúst er stefnt á að fræsa Hringveginn í gegnum Borgarnes frá Borgarbraut að brú yfir Borgarfjörð. Veginum er lokað á meðan framkvæmdir standa yfir en merkt verður hjáleið um Borgarfjarðarbraut. Áætlað er að framkvæmdirnar standi frá kl. 21:00 til kl. 07:00 umrædd kvöld. Merkingar og upplýsingaskilti verða sett upp skv. viðhengdri merkingaráætlun, sem að má finna hér, Lokunarplan Vegfarendur …