Söngleikjadeild Tónlistarskóla Borgarfjarðar flytur enn á ný söngleik og að þessu sinni verður sýningin í Borgarneskirkju. Nemendur hafa verið að æfa barnasöngleikinn Litla stúlkan með eldspýturnar eftir sögu H. C. Andersens. Tónlistin er eftir Magnús Pétursson og auk þess verða nokkur þekkt jólalög sungin í verkinu. Þetta er falleg saga sem á vel við núna á aðventunni.
Á haustönninni hafa 19 nemendur stundað nám í Söngleikjadeild á aldrinum 6-11 ára. Theodóra Þorsteinsdóttir stjórnar tónlistinni, Hanna Ágústa Olgeirsdóttir leikstýrir og Jónína Erna Aranardóttir leikur með á flygilinn.
Sýningarnar á „Litlu stúlkunni með eldspýturnar“ verða í Borgarneskirkju fimmtudaginn 7. desember kl. 18:00 og föstudaginn 8. desember kl. 18:00. Miðasala við innganginn (ekki posi á staðnum) og er aðgangseyrir kr. 1000 fyrir fullorðna og kr. 500 fyrir grunnskólabörn.
Tengdar fréttir
Umhverfisviðurkenningar Borgarbyggðar 2026
Umhverfis- og landbúnaðarnefnd Borgarbyggðar veitti í morgun árlegar viðurkenningar til einstaklinga og fyrirtækja sem skara fram úr í umhirðu og fegrun umhverfis í sveitarfélaginu. Nefndin veitir árlega viðurkenningar fyrir snyrtilegar og vel hirtar lóðir og jarðir með því markmiði að hvetja íbúa og fyrirtæki til að leggja sitt af mörkum til að fegra umhverfið og stuðla að jákvæðu og samheldnu …
Leikskólinn Ugluklettur tilnefndur til Íslensku menntaverðlaunanna 2026
Leikskólinn Ugluklettur hefur hlotið tilnefningu til Íslensku menntaverðlaunanna 2026 fyrir þróunarverkefnið Stilla – hæglátt leikskólastarf. Viðurkenningarráð Íslensku menntaverðlaunanna hefur nú tilkynnt um tilnefningar til verðlaunanna í ár. Tilnefning Ugluklettar er í flokki þróunarverkefna og er hún mikil viðurkenning fyrir það metnaðarfulla starf sem unnið hefur verið að innan leikskólans. Þetta er í sjöunda sinn sem Íslensku menntaverðlaunin eru veitt eftir …