Vinna við niðurrekstur rekstaura vegna byggingar nýs fjölnota íþróttahúss í Borgarnesi er að hefjast en seinnipartinn í gær var keyrður inn hamar, sem kemur til með að reka niður rekstaurana á íþróttasvæðinu.

Um er að ræða niðurrekstur rekstaura fyrir burðarvirki fjölnotahúss, áætlað er að þessi áfangi framkvæmda standi yfir út maímánuð. Á þessu tímabili má því búast við auknum umferðaþunga flutningabíla og hávaða við næsta nágrenni íþróttasvæðis.
Við leggjum mikla áherslu á að tryggja öryggi íbúa og vegfarenda meðan á framkvæmdum stendur.

Niðurrif á hluta húsnæðis Borgarbyggðar Brákarey hófst í byrjun apríl en þeim áfanga er um að ræða hluta gamla sláturhússins og gúanósins, niðurrif er komið vel á veg.