Sveitarstjórn Borgarbyggðar samþykkti þann 11. janúar sl. eftirfarandi breytingu á aðalskipulagi samkvæmt 32. gr. skipulagslaga nr. 123/2010:
Aðalskipulag Borgarbyggðar 2010-2022 – Landbúnaðarkaflinn
Breytingin tekur til stefnu aðalskipulagins fyrir landbúnaðarsvæði og þær framkvæmdir og mannvirki sem heimilaðar eru á landbúnaðarsvæðum. Skerpt er á heimildum til að tryggja hagkvæmna og skynsama nýtingu, gott landbúnaðarland verði áfram nýtt til matvælaframleiðslu, uppbyggingu hagað þannig að núverandi innviðir séu nýttir betur og ný íbúðarhús verði ekki úr alfaraleið.
Tillaga að breytingu á Aðalskipulagi Borgarbyggðar 2010-2022 var auglýst frá 20. júlí til 18. september 2023 og send til afgreiðslu hjá Skipulagsstofnun 14. nóvember 2023.
Athugasemdir bárust frá stofnuninni sem sveitarfélagði varð að taka afstöðu til og voru svör/viðbrögð samþykkt í sveitarstjórn 11. janúar 2024.
Uppfærð aðalskipulagsbreyting og svör við athugasemdum Skipulagsstofnunar hafa verið send stofnuninni sem sér um lokaafgreiðslu erindisins með auglýsingu í B-deild Stjórnartíðinda.
Þeir sem óska nánari upplýsinga um tillögunar og niðurstöðu sveitarstjórnar geta snúið sér til skipulagsdeildar Borgarbyggðar, Digranesgötu 2, Borgarnesi.
Vakin er athygli á málskotsrétti samkvæmt 52. gr. skipulagslaga nr. 123/2010 og lögum um úrskurðarnefnd umhverfis- og auðlindamála nr. 130/2011 en þar kemur fram að stjórnvaldsákvarðanir má kæra til úrskurðarnefndar umhverfis- og auðlindamála.
Þeir einir geta kært stjórnvaldsákvarðanir sem eiga lögvarða hagsmuni tengda þeirri ákvörðun sem kæra á. Kærufrestur er einn mánuður frá birtingu skipulagsáætlana í B-deild Stjórnartíðinda.
Bréf Skipulagsstofnunar
Svarbréf við athugasemdum
Aðalskipulagsbreyting uppfærð
Tengdar fréttir
Íþróttavika Evrópu „Beactive“ í Borgarbyggð
Dagana 23.-30. september stendur yfir Íþróttavika Evrópu (European Week of Sport), árlegt hvatningarverkefni sem miðar að því að efla hreyfingu og heilbrigðan lífsstíl meðal fólks á öllum aldri. Borgarbyggð tekur þátt í verkefninu í samstarfi við UMSB og fjölmargir viðburðir verða í boði vikuna. Í vikunni gefst íbúum kostur á að kynna sér fjölbreytta hreyfingu og íþróttastarf í sveitarfélaginu. Allir …
Stjórnendur Borgarbyggðar efla færni í viðverustjórnun og leiðtogahlutverki
Sem liður í áframhaldandi þróun leiðtogafærni og markvissari viðverustjórnun hjá Borgarbyggð taka allir stjórnendur sveitarfélagsins þátt í vinnustofu undir leiðsögn Helenu Jónsdóttur, klínískum sálfræðingi og sérfræðingi hjá Mental ráðgjöf. Áhersla vinnustofunnar er meðal annars á samræmdan stjórnendatakt, innleiða regluleg innlit, viðverustjórnun og eftirfylgni. Helena fjallar um hvernig styðja megi starfsfólk við farsæla endurkomu til starfa eftir langvarandi fjarveru og hvernig …