Sveitarstjórn Borgarbyggðar samþykkti þann 9. nóvember sl. eftirfarandi tillögu samkvæmt 32. gr. skipulagslaga nr. 123/2010.
Aðalskipulag Borgarbyggðar 2010-2022 – Landbúnaðarkaflinn
Breytingin tekur til stefnu aðalskipulagins fyrir landbúnaðarsvæði og þær framkvæmdir og mannvirki sem heimilaðar eru á landbúnaðarsvæðum. Skerpt er á heimildum til að tryggja hagkvæma og skynsama nýtingu, gott landbúnaðarland verði áfram nýtt til matvælaframleiðslu, uppbyggingu hagað þannig að núverandi innviðir séu nýttir betur og ný íbúðarhús verði ekki úr alfaraleið.
Tillaga að breytingu á Aðalskipulagi Borgarbyggðar 2010-2022 var auglýst frá 20. júlí til 18. september 2023.
Athugasemdir bárust frá hagsmunaaðilum. Brugðist var við þeim eða þeim send umsögn.
Aðalskipulagsbreytingin hefur verið send Skipulagsstofnun sem sér um lokaafgreiðslu erindisins með auglýsingu í B-deild Stjórnartíðinda.
Þeir sem óska nánari upplýsinga um tillögunar og niðurstöðu sveitarstjórnar geta snúið sér til skipulags- og byggingardeildar Borgarbyggðar, Digranesgötu 2, Borgarnesi.
Vakin er athygli á málskotsrétti samkvæmt 52. gr. skipulagslaga nr. 123/2010 og lögum um úrskurðarnefnd umhverfis- og auðlindamála nr. 130/2011 en þar kemur fram að stjórnvaldsákvarðanir má kæra til úrskurðarnefndar umhverfis- og auðlindamála.
Þeir einir geta kært stjórnvaldsákvarðanir sem eiga lögvarða hagsmuni tengda þeirri ákvörðun sem kæra á. Kærufrestur er einn mánuður frá birtingu skipulagsáætlana í B-deild Stjórnartíðinda.
Tengdar fréttir
Borgarbyggð tekur þátt í sameiginlegu átaki gegn verðbólgu
Starfsgreinasamband Íslands hefur kallað eftir því að ríki, sveitarfélög, verslun og þjónustuaðilar taki höndum saman um verðstöðugleika og skuldbindi sig til að halda verð- og gjaldskrárhækkunum innan 2,5%. Borgarbyggð tekur undir þau markmið og hefur byggðarráð samþykkt að stefnt verði að því að halda almennum hækkunum á gjaldskrám sveitarfélagsins innan þess ramma árið 2027, að því gefnu að ríkisvaldið og …
Sprengingar hefjast við Sólbakka 11-15
Framundan eru framkvæmdir sem fela í sér sprengingar við Sólbakka 11–15. Föstudaginn 2. október er áætlað prufuskot um kl. 12.00. Frá mánudeginum 5. október verður gert ráð fyrir tveimur sprengingum á dag næstu daga, kl. 11.30 og 16.00. Framkvæmdin er á vegum Borgarverk ehf en starfsmenn fyrirtækisins hafa þegar rætt við starfsfólk fyrirtækja næst vinnusvæðinu. Sprengiskotin verða varin með sprengimottum …