Byggðarráð Borgarbyggðar samþykkti þann 18.07.2024 eftirfarandi tillögu samkvæmt 42. gr. skipulagslaga nr. 123/2010:
Deiliskipulag vatnsaflsvirkjunar og flugvallar í landi Húsafells 3 í Borgarbyggð.
Deiliskipulagið tekur til betri skilgreininga á mannvirkjum og umfangi þeirra, lóðum og byggingarreitum og er skipulagssvæðið stækkað um 4,5 ha við þessar breytingar.
Í núgildandi deiliskipulagi eru tvær vatnsaflsvirkjanir skilgreindar, Kiðárvirkjun 1 sem er 285 kW byggð árið 1978 og Kiðárvirkjun 2 með áætlaða stærð 300-400 kW. Eitt stöðvarhús er á svæðinu sem þjónar báðum virkjunum.
Með breytingunni er heimiluð stækkun á svöðvarhúsi með hámarks byggingarmagn 150fm og hámarkshæð 7m en er nú 46fm og 7m hátt. Í breytingunni er einnig skilgreind 3256fm lóð undir flugskýli við suð-austurenda flugbrautar. Fallið er frá færslu árfarvegar Kaldár á núgildandi deiliskipulagi. Tillagan samræmist gildandi aðalskipulagi.
Tillaga að deiliskipulagi vatnsaflsvirkjunar og flugvallar í landi Húsafells 3 var auglýst frá 19.04.2024 til 03.06.2024 (mál nr. 447/2024 í gáttinni).
Athugasemdir bárust frá umsagnaraðilum sem brugðist var við.
Deiliskipulagstillagan hefur verið send Skipulagsstofnun og mun taka gildi með auglýsingu í B-deild Stjórnartíðinda.
Þeir sem óska nánari upplýsinga um tillögunar og niðurstöðu sveitarstjórnar geta snúið sér til umhverfis- og skipulagssviðs Borgarbyggðar, Digranesgötu 2, Borgarnesi.
Vakin er athygli á málskotsrétti samkvæmt 52. gr. skipulagslaga nr. 123/2010 og lögum um úrskurðarnefnd umhverfis- og auðlindamála nr. 130/2011 en þar kemur fram að stjórnvaldsákvarðanir má kæra til úrskurðarnefndar umhverfis- og auðlindamála.
Þeir einir geta kært stjórnvaldsákvarðanir sem eiga lögvarða hagsmuni tengda þeirri ákvörðun sem kæra á. Kærufrestur er einn mánuður frá birtingu skipulagsáætlana í B-deild Stjórnartíðinda.
Tengdar fréttir
Breytingar hjá Slökkviliði Borgarbyggðar og Bjarni Kr. fer í ný verkefni í vor
Byggðarráð Borgarbyggðar samþykkti 15. október 2026 tillögu slökkviliðsstjóra og sveitarstjóra um breytt skipurit Slökkviliðs Borgarbyggðar. Markmiðið er að efla eldvarnaeftirlit og forvarnir og nýta stöðugildi slökkviliðsins þar sem þörfin og áhættan er mest. Fastir starfsmenn slökkviliðsins í fullu starfi verða áfram tveir, slökkviliðsstjóri og eldvarnaeftirlitsmaður. Staða aðstoðarslökkviliðsstjóra er lögð niður og í staðinn verður ráðinn eldvarnaeftirlitsmaður í fullt starf. Fjöldi …
Heilahjálp með fræðslu um heilabilun í Borgarnesi
Heilahjálp – samtök um heilabilun (áður Alzheimersamtökin) bjóða til opinnar fræðslu um heilabilun, góð samskipti og stuðning við aðstandendur í hátíðarsal Brákarhlíðar fimmtudaginn 19. nóvember kl. 17:00. Aðgangur er ókeypis og öll áhugasöm velkomin. Á fræðslufundunum verður starf samtakanna kynnt og fjallað um þær áskoranir sem einstaklingar með heilabilun og aðstandendur þeirra standa frammi fyrir. Sérstök áhersla verður lögð á …