Borgarbyggð býður íbúum og gestum upp á fjölbreytta og skemmtilega dagskrá á þjóðhátíðardaginn, 17. júní.
Viðburði er að finna víðs vegar um sveitarfélagið og ættu allir að finna eitthvað við sitt hæfi.

---

 

08:00 – Fánar dregnir að húni
Við hvetjum alla íbúa til að draga íslenska fánann að húni í tilefni dagsins.
09:30- Samhjól með HjólVest.
Öllum er boðið í skemmtilegan hjólatúr, mæting er við Íþróttahúsið í Borgarnesi.
10:00–11:00 – Íþróttahátíð á Skallagrímsvelli og í nýja fjölnota íþróttahúsinu.
17. júní hlaupið, leikir og Sólon og Dimma Dúskur koma í heimsókn.
11:00–12:00 – Safnahús Borgarfjarðar
Skoppa og Skrítla skemmta gestum, föndur og samvera.
12:15–13:30 – Andlitsmálning í félagsmiðstöðinni Óðal
Andlitsmálning fyrir börn á öllum aldri og upphitun fyrir skrúðgöngu.
13:30 – Skrúðganga
Gengið frá Borgarneskirkju í Skallagrímsgarð. Óvænt furðuvera tekur þátt!
13:45 – Hátíðardagskrá í Skallagrímsgarði
Kynnir verður enginn annar en Lalli töframaður, Blaðrarinn gefur gestum uppblásin blöðrudýr, ávarp fjallkonu, söngatriði, listamanneskja Borgarbyggðar, hátíðarræða, sölutjöld, nammiregn í boði Slökkviliðs Borgarbyggðar, hoppukastalar og teygjuhopp.
16:00 – Hátíðarmessa í Brákarhlíð
Séra Heiðrún Helga býður öllum í hátíðarmessu.

 

Lindartunga
Kvenfélagið Björk og Ungmennafélagið Eldborg standa fyrir hefðbundnum 17. júní hátíðarhöldum.

Reykholt
Messureið í Reykholtskirkju kl. 11:00
Ungmennafélag Reykdæla stendur svo fyrir hátíðarhöldum með útihátíðardagskrá í Logalandi frá klukkan 13:00.
Slökkviliðið með froðurennibraut, hátíðarræða, fjallkona, karamelluregn og fleira.

Varmaland
Umf. Stafholtstungna stendur fyrir 17. júní hátíð á Varmalandi kl 15:00. Hátíðin er haldin í samstarfi við Kvenfélag Stafholtstungna og Björgunarsveitina Heiðar.
leikir fyrir börnin á fótboltavellinum, grillaðir sykurpúðar, 17. Júní hlaup og verðlaunapeningur fyrir alla.

Kvenfélagið verður með vöfflusölu og hægt verður að skoða helstu tæki björgunarsveitarinnar á staðnum.

Ath tímasetningar og staðsetningar gætu breyst.