Hjálmaklettur

Menningarhús í Borgarnesi
www.hjalmaklettur.ishjalmaklettur@hjalmaklettur.is – 433 7700

Hjálmaklettur er menningarhús í Borgarnesi, rétt við Borgarfjarðarbrúna. Þar er m.a. starfsemi Menntaskóla Borgarfjarðar til húsa. Byggingin er glæsileg og skapar fallega umgjörð utanum hvers kyns uppákomur og viðburði. Þar er stór salur með rúmgóðu sviði og vönduðum tæknibúnaði. Veitingaaðstaða er góð, anddyri rúmgott og bílastæði næg.

Húsið er staðsett að Borgarbraut 54 í Borgarnesi. Menntaskóli Borgarfjarðar starfar í húsinu. Þar er einnig Dansskóli Evu Karenar til húsa og hljóðver RUV á Vesturlandi.

Í Hjálmakletti er stór salur búinn fullkomnum tækjum, leiksviði og ljósabúnaði. Sjá myndir hér og upplýsingablað hér. Flygill er af Samick gerð.

Fullbúið veislueldhús er fyrir hendi og stór matsalur sem hægt er að opna inn í salinn. Hann tekur 250 manns í bíóuppröðun en með borðum 120-150.
Hægt er að stækka rýmið og þá tekur salurinn með borðum um 320 manns.

Hljómgæði eru jafnmikil hvort sem er um tónlist eða talað mál að ræða og hægt er að stækka salinn nokkuð til suðurs með opnun án þess að þau minnki. Stærðin á sviði Hjálmakletts er br 9,7m x4,1m.

Í húsinu er einnig sjö skólastofur sem nýta má til funda– og hópavinnu og í þeim öllum eru
skjávarpar, tjald og tengi fyrir fartölvu. Auka fartölva er einnig fyrir hendi ef þörf er á.

Stofurnar geta verið misstórar og þar komast í bíóuppröðun 20-60 manns. Baksviðs er góð aðstaða og auðvelt aðgengi með tæknibúnað.

Hér má sjá gjaldskrá fyrir húsið.
Netfang hússins er hjalmaklettur@hjalmaklettur.is og símanúmer 433 7700.

Hjálmaklettur – Orðið er úr Egilssögu og er kenning sem Egill Skallagrímsson notar um höfuð sitt, þann klett sem hjálmarnir hvílir á; hjálma – klett. Þannig vísar það til allrar þeirrar þekkingar sem í manninum býr, reynslu hans og sögu. Heitið hefur sterka bókmenntalega tilvísun og orðið klettur vísar einnig til hússins sjálfs, útlits þess og umhverfis.

Smellt er á myndir til að stækka þær. Ljósmyndir: Guðrún Jónsdóttir.