Starfsmaður óskast til að halda utan um kvöldstarf í félagsmiðstöð unglinga, Gauknum Bifröst í vetur.

Um er að ræða félagsmiðstöðvarstarf 1 x í viku fyrir unglinga í 7. – 10. bekk frá kl. 20.00 – 22.00

Starfsmaður þarf að hafa áhuga og helst reynslu af að vinna með unglingum og vera drífandi í að leiða þetta starf með þeim.

Að öðru leiti felst starfið í gæslu, umsjón með tækjum og hafa dagskrá í miðstöðinni í samráði við unglingaráð hennar.

Starfsmaður þarf að vera reglusamur og hafa hreint sakavottorð.

Umsóknir sendist til íþrótta og æskulýðfulltrúa á indridi@borgarbyggd.is   eða í Ráðhús Borgarbyggðar fyrir 17. sept. n.k.

Nánari upplýsingar getur einnig Hjalti Sigurðarson nemi á Bifröst gefið um starfið en hann var í þessu skemmtilega starfi í fyrravetur.

Íþrótta- og æskulýðsfulltrúi.

Grunnskóli Borgarfjarðar hefur nú fengið ný símanúmer. Aðalnúmer skólans er 430 1500 og þar fæst samband við allar deildir skólans. Símaskrá skólans má nálgast hér.

Símenntunarmiðstöðin hyggst halda námskeið í olíumálun ef næg þátttaka fæst. Farið verður í undirstöðuatriði olíumálunar, litblöndun. Myndbyggingu, áferð og íblöndun. Unnið verður á pappír og striga. Pappír og strigi er innifalið í námskeiðsgjaldi en þátttakendur taka með sér olíuliti og pensla.

Kennt verður að Bjarnarbraut 8 í Borgarnesi, mánudaga kl. 19-21 frá 13. september til 25. október. Kennari er Áslaug Sigvaldsdóttir kennari og myndlistakona.

Einungis vantar tvo þátttakendur í viðbót til að unnt sé að halda námskeiðið og eru áhugasamir hvattir til að skrá sig.

Byggðasafni Borgarfjarðar hefur verið færð kærkomin gjöf. Um er að ræða aldraða rauðvínsflösku úr rannsóknaskipinu Pourquoi Pas? sem fórst við Mýrar í september 1936.  Það var Eysteinn Sveinbjörnsson sem færði safninu flöskuna, en hún hefur verið varðveitt hjá honum allar götur síðan skipið fannst á hafsbotni sumarið 1961, eða í tæplega hálfa öld. Ennfremur kom hann með blaðaúrklippur frá þeim tíma að skipið fannst og verða þær varðveittar í Héraðsskjalasafninu.