48-Afréttarnefnd Þverárréttar

  1. fundur Afréttarnefndar Þverárréttar

haldinn  í Bakkakoti, 8. ágúst 2017

og hófst hann kl. 15:00

Fundinn sátu:

Kristján F. Axelsson aðalmaður, Egill J. Kristinsson aðalmaður, Einar G. Örnólfsson aðalmaður og Þuríður Guðmundsdóttir aðalmaður.

 

Fundargerð ritaði:  Einar Guðmann Örnólfsson

 

Kristján setti fund og bauð nefndarmenn velkomna.

 

Dagskrá:Afréttarnefnd Þverárréttar – 48

 

1.   Dómur Héraðsdóms Vesturlands vegna álagningar fjallskilagjalds – 1708026
Kristján fór yfir helstu atriði málsins. Upprunalegur samningur milli Sólheimatungu og Stafholts finnst ekki og því fór sem fór. Af þeim sökum og eftir þennan dóm má ekki sjást að metið sé landverð við álögur fjallskila á þeim afrétti.
Í Þverárréttarupprekstri hefur verið innheimt girðingagjald og viðhald réttar 50% af landverði og 50% af fjallskilaskyldu fé en öll smölun er innheimt af fjallskilaskyldu fé.
Ákveðið að halda í þessa gömlu skiptingu hér til að gæta sanngirni í gjaldtöku vegna viðhalds.
2.   Smölun heimalanda – 1712065
Jarðeigendur verða minntir á smölunarskyldu sína samkvæmt 12. gr fjallskilareglugerðar Borgarbyggðar.
3.   Verðgildi dagsverka – 1712066
Ákveðið að hækka það ekki milli ára.
4.   Salerni og veitingar í réttum – 1712067
Ákveðið að leigja samkomuhúsið við Þverárrétt og Þuríði falið að leita eftir aðila til að sjá um veitingasölu og eftirlit í húsinu á meðan réttinni stendur.
5.   Girðingaumræða – 1712068
Bóndinn í Króki er búinn að girða frá Hellisá og upp að kletti og loka þar með fyrir rennsli safns Tungnamanna. Ákveðið að ræða við hann um að fá að stækka hlið til að koma fénu í gegn og loka svo aftur.
6.   Niðurröðun fjallskila 2017 – 1712069
Líkt og undanfarin ár bændur svarað kallinu og sent inn tölur um fjáreign sína.
Fjallskilum er jafnað niður á samtals 10063ær.
Heildar fjallskilakostnaður er 3.974.885.-kr sem gerir 395 kr á á. Fjallskilagjöld verða innheimt af skrifstofu Borgarbyggðar og er gjalddagi 1. Nóvember og eindagi 20. Nóvember. Niðurröðun samþykkt og send til skrifstofu Borgarbyggðar til fjölföldunar og dreifingar.
Nánari útlistun fjallskila er á útsendum leitaseðlum.
7.   Önnur mál – 1712070
Nefndin þakkar S. Sindra Sigurgeirssyni bónda í Bakkakoti aðstoð við tölvuvinnslu í þágu upprekstrarins.

 

Fleira ekki gert. Fundi slitið kl. 18:00