47-Afréttarnefnd Þverárréttar

  1. fundur Afréttarnefndar Þverárréttar

haldinn  í fundarsal í ráðhúsi að Borgarbraut 14 í Borgarnesi, 28. mars 2017 og hófst hann kl. 09:00

 

Fundinn sátu:

Kristján F. Axelsson aðalmaður, Egill J. Kristinsson aðalmaður, Einar G. Örnólfsson aðalmaður og Þuríður Guðmundsdóttir aðalmaður.

 

Fundargerð ritaði:  Einar Guðmann Örnólfsson

 

Dagskrá:Afréttarnefnd Þverárréttar – 47

 

1.   Króksland í Norðurárdal – girðingar – 1407013
Gunnlaugur sveitarstjóri kemur á fundinn til að skýra málið. Lítið gerst undanfarið vegna veikinda lögmanns.
 
Gestir
Hrafnhildur Tryggvadóttir – 09:00
Gunnlaugur A. Júlíusson – 09:00
Girðingamálið, staðsetning vandamál vegna smölunar. Þarf að finna lausn á því. Um er að ræða 3 – 5 km. kafla. Reifað hvernig mögulega er hægt að fá rekstrarleið í gegn eða færa til girðingastæðið svo hægt sé að reka fram með girðingunni. Eftir þessar umræður hefur nefndin ákveðið að senda frá sér ályktun varðandi málið:
Fjallskilanefnd Upprekstrarfélags Þverárréttar fer fram á að eigandi Króks virði nauðsyn þess að hægt sé að reka fé úr afrétti til réttar meðfram girðingu þeirri sem fyrirhugað er að girða á merkjum Króks og afréttar. Verði gangurinn milli Hellisgils og girðingar of mjór mun verða ómögulegt að reka safnið þar og sá hluti þess sem rekst þar mun renna stjórnlaust til fjalls á ný hversu góðir sem smalar eru.
 
2.   Afréttarnefnd Þverárréttar Viðhald girðinga 2017 – 1703155
Það þarf að gera við og spurning um að fá verktaka í þetta. Hugmynd að ræða við Einar Ólafsson um viðhald frá Gilsbakka að Hellisá. Snjófjallagirðing líkt og venjulega.
 
3.   Afréttarnefnd Þverárrétt- Leitatími haust 2017 – 1703156
Gunnlaugur var inntur eftir því hvernig afstaða sveitarfélagsins er gagnvart flýtingu leita. Hollt að halda fund og taka svo ákvörðun um flýtingu. Ekki nauðsynlegt að ríki almenn samstaða, en vera þarf meirihluti.
Afréttarnefndin hefur ákveðið að halda fund í félaginu um leið og fyrir liggur hvernig sláturleyfishafar nálgast slátrun og verðlagningu haustsins.
Gunnlaugur vék af fundi kl. 10:00
 
4.   Önnur mál afréttarnefndar Þverárréttar. – 1310090
Framlagður ógreiddur reikningur vegna smölunar í Sveinatungu.
Málið reifað og ákveðið að vinna að farsælli lausn málsins.
 

 

Fleira ekki gert. Fundi slitið kl. 11:00