444-Byggðarráð Borgarbyggðar

  1. fundur Byggðarráðs Borgarbyggðar

haldinn  í fundarsal í ráðhúsi að Borgarbraut 14 í Borgarnesi, 1. mars 2018

og hófst hann kl. 08:15

 

Fundinn sátu:

Geirlaug Jóhannsdóttir formaður, Björn Bjarki Þorsteinsson varaformaður, Sigríður Júlía Brynleifsdóttir áheyrnarfulltrúi, Finnbogi Leifsson varamaður og Gunnlaugur A. Júlíusson sveitarstjóri.

Fundargerð ritaði:  Kristján Gíslason

Dagskrá:Byggðarráð Borgarbyggðar – 444

 

1.   Útboð vegna ljósleiðara – 1802130
Framlagt minnisblað sveitarstjóra um undirbúning útboðs vegna lagningu ljósleiðara í Borgarbyggð. Byggðarráð fól sveitarstjóra að taka upp viðræður við Ríkiskaup um að annast undirbúning og framkvæmd útboðsins.
2.   Álit varðandi stjórnsýslumál – 1802106
Gestir
Eiríkur Ólafsson – 08:30
Framlagt álit Samgöngu- og sveitarstjórnarráðuneytisins, dags. 15. Febr. 2018 í stjórnsýslumáli er varðar samning við Hús og lóðir ehf um greiðslu gatnagerðargjalda. Sviðsstjóri fjármála – og stjórnsýslusviðs sat fundinn undir þessum lið. Byggðarráð fól sveitarstjóra og sviðsstjóra stjórnsýslu- og fjármálasviðs að undirbúa svar sveitarfélagsins við áliti ráðuneytisins fyrir tilskilinn tíma. Í tengslum við það verða reglur um innheimtu gatnagerðargjalda endurskoðaðar og niðurstöður þess lagðar fyrir byggðarráð og umhverfis – og skipulagssvið.

Álit Samgöngu- og sveitarstjórnarráðuneytisins

3.   Brákarey – gamla frystihúsið. – 1803002
Ástand þaka á frystihúsi úti í Brákarey. Kristján Finnur Kristjánsson, umsjónarmaður fasteigna Borgarbyggðar kom til fundarins. Hann lýsti ástandi á þaki hússins yfir fyrrum vélasal sem hefur versnað eftir mikil snjóalög að undanförnu. Hætta getur stafað af ástandi þess ef ekki verður brugðist við. Byggðarráð fól Kristjáni Finni að kanna með kostnað við að rífa þakið til að koma í veg fyrir að það skapist hætta af lélegu ástandi þess.
4.   Sameining almannavarnanefnda á Vesturlandi – 1712052
Framlögð drög að samkomulagi frá Lögreglustjóranum á Vesturlandi, dags. 22. febrúar 2018, um skipan sameiginlegrar almannavarnanefndar í umdæmi lögreglunnar á Vesturlandi. Í fyrrgreindum drögum er lagt til að nýtt fyrirkomulag taki gildi að afloknum sveitarstjórnarkosningum þann 26. Maí n.k. Byggðarráð samþykkti tillöguna og fól sveitarstjóra að undirrita samkomulagið fyrir hönd Borgarbyggðar.

Sameinuð almannavarnanefnd

5.   Kort fyrir Borgarfjörð, Hvalfjörð og Akranes – 1802116
Framlagt erindi Markaðsstofu Vesturlands, dags. 15. febrúar 2018, um að kosta auglýsingu frá Borgarbyggð í kort fyrir Borgarfjörð, Hvalfjörð og Akranes. Kortið verður framleitt í 30.000 eintökum. Byggðarráð samþykkti erindið.
6.   Tún lnr. 201830 – stofnun lögbýlis, umsögn – 1802003
Beiðni um stofnun lögbýlis í Túni
Beiðni um stofnun lögbýlis í Túni í Reykholtsdal frá eigendum Túns, Helgu Björg Valgeirsdóttur og Gunnari Konráðssyni. Byggðarráð samþykkti að gefa jákvæða umsögn um erindið.
7.   Vinnuhópur um fjallskilamál – 1802059
Skipun vinnuhóps um fjallskilamál
Byggðarráð samþykkir að skipa í vinnuhópinn á næsta fundi sveitarstjórnar. Ennfremur samþykkti byggðarráð nokkrar breytingar á áður samþykktu erindisbréfi.

Erindisbréf starfshóps um fjallskilamál

8.   Byggingarnefnd Hnoðrabóls – fundargerðir 2018 – 1801181
Fundargerð frá fundi byggingarnefndar dags. 21.febrúar 2018 framlögð.

Fundur_ 21februar_lagað

9.   Stýrihópur um endurskoðun íþrótta – og tómstundastefnu Borgarbyggðar – 1801017
Fundargerðir stýrihóps um endurskoðun íþrótta- og tómstundastefnu Borgarbyggðar nr. 2 og 3

Fundur2_hreinskrifað-senda

Fundur3_styrihopur-senda

10.   Ráðstefna um jafnréttis-, innflytjenda og mannréttindamál – 1802129
Erindi Sambands íslenskra sveitarfélaga þar sem kynnt er ráðstefna fyrir evrópska sveitarstjórnarmenn í Bilbao á Spáni um málefni sem tengjast jafnréttis-, innflytjenda og mannréttindamálum.
11.   Til umsagnar 179. mál frá Nefndasviði Alþingis. Þingsályktun um stefnu stjórnvalda um uppbyggingu flutningskerfis raforku – 1802125
Nefndasvið Alþingis sendir til umsagnar tillögu til þingsályktunar um stefnu stjórnvalda um uppbyggingu flutningskerfis raforku, 179. mál.
12.   Til umsagnar – 90. mál um bætta stjórnsýslu í umgengnismálum – 1802124
Nefndasvið Alþingis sendir tillögu til þingsályktunar um bætta stjórnsýslu í umgengnismálum, 90. mál.
13.   200. fundur í Safnahúsi – 1802103
Fundargerð 200. fundar starfsmanna Safnahúss Borgarfjarðar lögð fram

 

Fleira ekki gert. Fundi slitið kl. 10:00