438-Byggðarráð Borgarbyggðar

  1. fundur Byggðarráðs Borgarbyggðar

haldinn  í fundarsal í ráðhúsi að Borgarbraut 14 í Borgarnesi, 4. janúar 2018 og hófst hann kl. 08:15

 

Fundinn sátu:

Geirlaug Jóhannsdóttir formaður, Björn Bjarki Þorsteinsson varaformaður, Guðveig Eyglóardóttir aðalmaður, Sigríður Júlía Brynleifsdóttir áheyrnarfulltrúi og Gunnlaugur A. Júlíusson sveitarstjóri.

 

Fundargerð ritaði:  Kristján Gíslason

 

Dagskrá:Byggðarráð Borgarbyggðar – 438

 

1.   Breyting á skipan byggðarráðs frá 1.1.2018 – 1712095
Breyting á skipan byggðarráðs frá 1.1.2018. Lagt fram kjörbréf Sigríðar Júlíu Brynleifsdóttur, Berugötu 7, 310 Borgarnesi, dags. 2. Janúar 2018, sem tekur sæti Ragnars Frank Kristjánssonar í byggðarráði Borgarbyggðar og í sveitarstjórn Borgarbyggðar fyrir hönd VG.
2.   Ísland ljóstengt 2018 – verkefnastjóri, samningur – 1801002
Lagður fram samningur við Guðmund Daníelsson ráðgjafa um verkefnastjórn við undirbúning og framkvæmd á lagningu á ljósleiðarakerfi í Borgarbyggð. Byggðarráð samþykkti samninginn og fól sveitarstjóra að ganga frá afgreiðslu hans í ljósi umræðna á fundinum.
3.   Hjartarfjós á Hvanneyri, aðstaða fyrir slökkvibíl – 1712088
Framlagður tölvupóstur Sæmundar Sveinssonar, rektors LBHÍ, dags. 20.12. 2017, varðandi aðstöðu fyrir slökkvibifreið á Hvanneyri en fyrirhugað er að taka núverandi aðstöðu fyrir slökkvibifreiðina undir aðra starfsemi. Sveitarstjóri skýrði frá því sem gerst hefur í málinu., Unnið er að því að finna ásættanlega lausn í málinu innan eðlilegs uppsagnartíma.
4.   Bílastæði við Brákarbraut 10. – 1712020
Framlagt erindi fulltrúa íbúa við Brákarbraut 10, dags. 6. 12. 2017, um möguleika á sérmerkingu bílastæða við húsið. Byggðarráð tekur undir sjónarmið bréfritara og vísar erindinu til úrvinnslu umhverfis-og skipulagssviðs.
5.   Vatnsveita Bæjarsveitar – samningur, viðauki – 1801006
Framlögð drög að viðauka við samning milli Vatnsveitu Bæjarsveitar og Borgarbyggðar. Viðaukinn felur í sér lagfæringu á samningi sem gerður var milli Borgarbyggðar og óstofnaðs félags um Vatnsveitu Bæjarsveitar þann 8. janúar 2015 en í ljós hafa komið meinbugir á honum. Byggðarráð felur sveitarstjóra að afla frekari gagna í ljósi umræðu á fundinum.
6.   Ísland ljóstengt 2018 – umsóknarferli – 1710062
Framlög og tekin til umræðu bókun forseta sveitarstjórnar frá sveitarstjórnarfundi þann 14. Desember sl. en sveitarstjórn vísaði bókunni til byggðarráðs til umfjöllunar.
Ennfremur kynnt samþykkt sveitarstjórnarþings Evrópuráðsinsins frá haustþingi þess 2017 þar sem fjallað er um stöðu landsbyggðar í Evrópu.
„Á undanförnum árum hefur búseta í dreifbýli á Íslandi, bæði í sveitum og minni þorpum, tekið miklum breytingum. Áhrif af völdum þessa eru margskonar, sumt er jákvætt en annað er neikvætt. Í sveitum hefur landnotkun og landbúnaður tekið miklum breytingum og því miður hefur jörðum í ábúð fækkað og föst búseta í dreifbýlinu dregist saman. Þessi þróun getur reyndar verið mjög mismunandi milli sveitarfélaga og innan ákveðinna sveitarfélaga.
Í þéttbýlinu er víða töluvert stór hluti íbúðarhúsa kominn í eigu einstaklinga sem notar þau sem frístundahús eða leigir þau út í skammtímaleigu til ferðafólks. Þetta getur haft jákvæða þætti í för með sér s.s. að gömul hús eru gerð upp og verða prýði fyrir bæjarmyndina og ferðaþjónusta eflist. Á hinn bóginn hefur þetta líka í för með sér að það verður erfiðara fyrir fólk að flytja búferlum til þessara þéttbýlisstaða þar sem laust húsnæði er ekki til staðar. Því fækkar víða í leik- og grunnskólum sem hefur áhrif á skólastarfið og þeim íbúum sem eru virkir í samfélögunum og bera uppi nauðsynlegt félags- og tómstundastarf sem og aðra mikilvæga samfélagsþjónustu fækkar einnig. Ef nauðsynlegar stoðir undir búsetu veikjast er líklegt að íbúum á landsbyggðinni fækki enn frekar og ómögulegt verði að hægja á þróuninni, hvað þá að snúa henni við.
Við þekkjum þessa þróun í Borgarbyggð, en það er langt í frá að hún eigi sér einvörðungu stað hér, þessi þróun á sér stað mjög víða. Að mati undirritaðs er orðið nauðsynlegt að ræða þessi mál á vettvangi sveitarstjórnarstigsins alls og eftir atvikum með hlutaðeigandi stofnunum ríkisvaldsins.“
Byggðarráð felur sveitarstjóra að taka saman tölulegar upplýsingar varðandi viðfangsefnið.
7.   Minkaveiði í Borgarbyggð – bréf – 1712080
Framlagt bréf frá Vaski á Bakka ehf., dags. 10. Desember 2017, varðandi minkaveiði í Borgarbyggð. Byggðarráð vísaði erindinu til umhverfisfulltrúa til frekari upplýsingaöflunar.

Vaskur á Bakka ehf.

8.   Lækjarkot – reikningur – 1801007
Framlagður tölvupóstur frá eigendum Lækjarkots og reikningur fyrir jörðinni, komi til þess að skotsvæði verði heimilað í landi Hamars.
Framlagður tölvupóstur, dags. 2. Janúar 2018, frá eigendum Lækjarkots og reikningur fyrir jörðinni að fjárhæð 250 m.kr., komi til þess að skotsvæði verði heimilað í landi Hamars. Byggðarráð bókaði eftirfarandi: „Byggðarráð Borgarbyggðar vísar frá kröfu eigenda Lækjarkots, um að Borgarbyggd leysi til sín jörðina Lækjarkot fyrir 250 m.kr., komi til þess að sett verði upp skotæfingasvæði á Hamarslandi.

Reikningur fyrir Lækjarkoti

9.   Samningur við Verkís um verkstjórn – 1705170
Framlögð tillaga um að samningur við Verkís ehf um verkstjórn á umhverfis – og skipulagssviði verði framlengdur til febrúarloka.
Samþykkt að framlengja samninginn um tvo mánuði.
10.   Stýrihópur um endurskoðun stefnu í málefnum aldraðra. – 1801016
Lögð fram tillaga um stofnun stýrihóps sem skal endurskoða stefnu Borgarbyggðar í málefnum aldraðra svo og erindisbréf fyrir stýrihópinn. Byggðarráð samþykkti að stofna stýrihópinn svo og framlagt erindisbréf með áorðnum breytingum.
11.   Stýrihópur um endurskoðun íþrótta – og tómstundastefnu Borgarbyggðar – 1801017
Lögð fram tillaga um stofnun stýrihóps sem skal endurskoða íþrótta – og tómstundastefnu Borgarbyggðar og erindisbréf fyrir stýrihópinn. Byggðarráð samþykkti að stofna stýrihópinn svo og framlagt erindisbréf með áorðnum breytingum.
12.   Til umsagnar 40. mál frá nefndasviði Alþingis – 1712083
Stjórnskipunar- og eftirlitsnefnd Alþingis sendir til umsagnar frumvarp til laga um kosningar til sveitarstjórna (kosningaaldur), 40. mál.
13.   Til umsagnar 26. mál frá nefndasviði Alþingis – 1712063
Velferðarnefnd Alþingis sendir yður til umsagnar frumvarp til laga um þjónustu við fatlað fólk með miklar stuðningsþarfir, 26. mál.
14.   Til umsagnar 27. mál frá nefndasviði Alþingis – 1712062
Velferðarnefnd Alþingis sendir til umsagnar frumvarp til laga um félagsþjónustu sveitarfélaga (samningur Sþ um réttindi fatlaðs fólks, stjórnsýsla og húsnæðismál), 27. mál.
15.   Til umsagnar 11. mál frá nefndasviði Alþingis – 1712085
Umhverfis- og samgöngunefnd Alþingis sendir til umsagnar frumvarp til laga um tekjustofna sveitarfélaga (fasteignasjóður), 11. mál.
16.   Fundargerð 134 fundar stjórnar SSV. – 1712094
Framlögð fundargerð 134. fundar stjórnar SSV frá 6. desember.

134. fundur

17.   Upplýsinga – og lýðræðisnefnd – fundargerðir 2017 – 1708061
Framlögð fundargerð 6. fundar upplýsinga – og lýðræðisnefndar frá 18. des. 2017

Fundargerð 6

18.   Fundargerð stjórnar O.R. 20.11.2017 – 1712060
Framlögð fundargerð stjórnar OR frá 20.11.2017.

Fundargerð OR

19.   Fundargerðir ráðningarnefndar 2017 – 1705045
Framlögð fundargerð ráðningarnefndar Borgarbyggðar frá 18.12.2017

Fundur 18 desember 2017

 

Fleira ekki gert. Fundi slitið kl. 09:35