426-Byggðarráð Borgarbyggðar

  1. fundur Byggðarráðs Borgarbyggðar

haldinn  í fundarsal í ráðhúsi að Borgarbraut 14 í Borgarnesi, 7. september 2017 og hófst hann kl. 10:00

Fundinn sátu:

Geirlaug Jóhannsdóttir formaður, Guðveig Eyglóardóttir aðalmaður, Ragnar Frank Kristjánsson áheyrnarfulltrúi, Jónína Erna Arnardóttir varamaður og Gunnlaugur A. Júlíusson sveitarstjóri.

 

Fundargerð ritaði:  Kristján Gíslason

 

Dagskrá:Byggðarráð Borgarbyggðar – 426

 

1.   Minnisblað til sveitarstjórnar – 1709003
Framlagt minnisblað frá starfsmönnum Safnahúss Borgarfjarðar dags. 1.9.2017. Byggðarráð bókaði eftirfarandi:

„Bókun byggðarráðs frá 24. ágúst felur í sér að fá eigi utanaðkomandi fagaðila í safnamálum til að vinna að framtíðarskipan safnamála í Borgarbyggð. Markmið slíks verkefnis er að greina þá möguleika sem felast til lengri tíma litið í safnastarfi í Borgarbyggð, auknu samstarfi safna í sveitarfélaginu, skoðun á staðsetningu þeirra og hvað læra megi af öðrum sveitarfélögum í þessu sambandi. Það að slík vinna fari fram án þess að fjárhagslegir erfiðleikar kalli á uppstokkun eða breytingar gerir það að verkum að hægt er að hafa faglega umræðu í fyrirrúmi við stefnumótun inn í framtíðina.“

Framlögð drögað verkefnalýsingu.

2.   Golfklúbbur Borgarness – staða mála, minnisblað – 1707029
Framlagt minnisblað í framhaldi af fyrri umræðum
Byggðarráð bókaði eftirfarandi „Samþykkt að styrkja Golfklúbb Borgarness um kr. 1.000.000.- vegna umhirðu útivistarsvæða í Hamarslandi. Upphæðin er flutt af lið vinnuskólans þar sem ekki tókst að fullmanna hann í sumar.“
Frekari umræðu um stuðning sveitarfélagsins við umhirðu golfvallar er vísað til fjárhagsáætlunar næsta árs.
3.   Samningur um húsnæði – Íþróttamiðstöð – 1709007
Framlögð drög að samningi milli Gagnaveitu Reykjavíkur og Borgarbyggðar um afnot af húsnæði í Íþróttamiðstöðinni í Borgarnesi fyrir miðstöð fyrir ljósleiðarastöð. Byggðarráð samþykkti samninginn.
4.   Tónlistarskóli Borgarfjarðar – 50 ára afmæli – 1709020
Tónlistarskóli Borgarfjarðar fagnar 50 ára afmæli sínu fimmtudaginn 7. sept. 2017. Byggðarráð bókaði eftirfarandi: „Byggðarráð Borgarbyggðar færir Tónlistarskóla Borgarfjarðar hugheilar árnaðaróskir með hálfrar aldar starfsafmælið. Starfsemi tónlistarskólans hefur markað djúp spor í menningarsögu Borgarfjarðar á starfstíma sínum. Með starfi sínu hefur hann skapað sér virðingu langt út fyrir héraðið. Í tilefni afmælisins samþykkir byggðarráð að færa skólanum hljóðfæri að gjöf.
Jónína Erna Arnardóttir kemur á fundinn að lokinni afgreiðslu þessa liðar.
5.   Menntaskóli Borgarfjarðar – 10 ára afmæli – 1709021
Menntaskóli Borgarfjarðar fagnar 10 ára afmæli sínu 8. september 2017. Byggðarráð bókaði eftirfarandi: „Byggðarráð Borgarbyggðar færir Menntaskóla Borgarfjarðar hugheilar hamingjuóskir með 10 ára starfsafmælið. Á þeim tíma sem menntaskólinn hefur starfað hefur það komið skýrt í ljós hve mikilvægt það er að hafa slíka skólastofnun staðsetta í sveitarfélaginu. Byggðarráð óskar Menntaskóla Borgarfjarðar alls góðs í náinni framtíð og væntir mikils af starfsemi hans. Í tilefni afmælisins samþykkir byggðarráð að færa skólanum gjöf.
6.   Umsókn í Fjarskiptasjóð v. ljósleiðara – 1709022
Framlagður tölvupóstur frá framkvæmdastjóra Fjarskiptasjóðs frá 1. 9. 2017 þess efnis að tilkynnt verði um úthlutun byggðastyrks vegna ljósleiðaravæðingar vegna 2018 fyrir miðjan september og nákvæmar dagsetningar, vegna umsóknargagna í Fjarskiptasjóð verða sendar út síðar í þessum mánuði. Gert er ráð fyrir að niðurstaða úthlutunar úr samkeppnispottinum liggi fyrir í lok október / byrjun nóvember. Byggðarráð fól sveitarstjóra að annast framgang umsóknar í Fjarskiptasjóð þegar eyðublöð sjóðsins hafa verið send út á grunni þeirrar hönnunarvinnu sem unnið hefur veri að á undanförnum mánuðum.
7.   Álagning fasteignaskatts 2018 á frístundabyggð – 1708169
Framlagt bréf Félags sumarhúsaeigenda í landi Munaðarness dags. 29.8.2017 varðandi álagningu fasteignaskatts árið 2018.
Byggðarráð vísaði erindinu til fjárhagsáætlunargerðar.

Fasteignaskattur frístundahús – bréf

8.   Fjarbúar og fasteignamarkaður á landsbyggðunum – 1708168
Framlögð skýrsla SSV, nr. 1 2017, um Fjarbúa og fasteignamarkað á landsbyggðunum. Gefin út í ágúst 2017. Höfundur Vífill Karlsson. Byggðarráð þakkar skýrsluna.

Fjarbúar-og-fasteignamarkaður-á-landsbyggðunum-1

9.   Samgönguþing 2017 – 1708167
Framlögð dagskrá Samgönguþings 2017 sem haldið verður í Hótel Örk í Hveragerði þann 28. sept.n.k.
10.   Félagsheimilið Lyngbrekka – leigusamningur – 1709023
Framlagður samningur milli Leikdeildar Umf. Skallagríms og Borgarbyggðar, Umf. Björns Hítdælakappa og Umf. Egils Skallagrímssonar um leigu á félagsheimilinu Lyngbrekku til næstu þriggja ára frá 1. jan. 2018 að telja. Byggðarráð samþykkti samninginn.

Lyngbrekka – húsaleigusamningur

11.   Bréf 4 til byggðarráðs 4.9.2017 – 1709025
Framlagt bréf Ásgeirs Sæmundssonar dags. 4.9.2017 varðandi skipulagsmál í Húsafelli 1 og er árétting fyrri bréfa.
Gestir
Gísli Karel Halldórsson – 11:15
Gísli Karel Halldórsson sviðsstjóri sat fundinn undir þessum lið. Sveitarstjóra og sviðsstjóra Umhverfis – og skipulagssviðs falið að svara bréfritara.

Bréf 4 til Byggðaráðs 04.09.17

Guðveig vék af fundi kl. 11:30
12.   Skýrsla fuglafræðinga um fuglaskoðunarsvæði í Andakíl – 1709029
Framlögð skýrsla fuglafræðinga um fuglaskoðunarsvæði í Andakíl frá júlí 2017. (Guidelines for the provision of birdwatching and bird study facilities in Hvanneyri.). Ragnar Frank Kristjánsson fylgdi skýrslunni eftir og skýrði út efni hennar. Byggðarráð þakkar framkomna skýrslu og telur mikil tækifæri felast í uppbyggingu á fuglaskoðunarsvæði á Hvanneyri.

Skýrsla fuglafræðinga

13.   Aðalfundur Reiðhallarinnar Vindás ehf 14.9.2017 – 1709041
Framlögð tilkynning um aðalfund Reiðhallarinnar Vindás ehf sem haldinn verður þann 14. Sept. N.k. kl. 16:00. Byggðarráð tilnefndi Eirík Ólafsson, Kveldúlfsgötu 11 Borgarnesi, sem aðalmann og Hrafnhildi Tryggvadóttur, Mávakletti 8, Borgarnesi, sem varamann.

Aðalfundarboð Reiðh

14.   188. fundur í Safnahúsi – 1708153
Fundargerð 188. fundar Safnahúss lögð fram
15.   186. fundur í Safnahúsi 2.5.2017 – 1708154
Fundargerð 186. fundar Safnahúss Borgarfjarðar lögð fram.
16.   187. fundur í Safnahúsi – 1708155
Fundargerð 187. fundar Safnahúss Borgarfjarðar frá 14. júní lögð fram.
17.   Byggingarnefnd Hnoðrabóls – fundargerðir 2017 – 1705124
Framlögð fundargerð fra 7. fundi byggingarnefndar Hnoðrabóls frá 31.8.2017.

7. fundur byggingarnefndar

18.   Aðalfundur 31.5.2017 – 1705156
Framlögð fundargerð aðalfundar Veiðifélags Norðurár sem haldinn var 31. maí s.l.

Gljúfurá – aðalfundargerð 2017

19.   Ráðninganefnd Borgarbyggðar – fundargerðir 2017 – 1705122
Framlögð fundargerð ráðningarnefndar Borgarbyggðar frá 4. sept. 2017

Fundur 4 sept 2017

20.   Fundargerð 132. fundar stjórnar SSV – 1709002
Framlögð fundargerð 132. fundar stjórnar SSV dags. 23.8.2017.

132. fundur SSV

21.   189. fundur í Safnahúsi – 1709037
Framlögð fundargerð 189. fundar Safnahúss Borgarfjarðar dags. 5.9.2017
22.   Fundargerð 852. fundar stjórnar sambandsins – 1709039
Fundargerð 852. fundar stjórnar sambandsins frá 1. 9.2017 framlögð.

852. fundur stjórnar Sís

 

Fleira ekki gert. Fundi slitið kl. 12:04