423-Byggðarráð Borgarbyggðar

  1. fundur Byggðarráðs Borgarbyggðar

haldinn  í fundarsal í ráðhúsi að Borgarbraut 14 í Borgarnesi, 17. ágúst 2017 og hófst hann kl. 08:15

 

Fundinn sátu:

Geirlaug Jóhannsdóttir formaður, Björn Bjarki Þorsteinsson varaformaður, Guðveig Eyglóardóttir aðalmaður og Gunnlaugur A. Júlíusson sveitarstjóri.

Fundargerð ritaði:  Kristján Gíslason

 

Dagskrá:Byggðarráð Borgarbyggðar – 423

 

1.   Gististaðir í íbúðabyggð – vinnureglur, minnisblað – 1708020
Framlagt minnisblað bæjarstjóra Stykkishólmsbæjar varðandi gististaði í íbúabyggð.
Framlagt minnisblað bæjarstjóra Stykkishólmsbæjar sem varðar gististaði í íbúabyggð. Tillaga bæjarstjóra er að í ljósi þess að mikill þrýstingur er á að reka gistihús á Vesturlandi verður að telja æskilegt að sveitarfélögin sameinist um að setja reglur um þessi efni. Því er lagt til að sveitarfélögin á Sæfellsnesi í samstarfi við Borgarbyggð og Akranes óski eftir því við Atvinnuráðgjöf SSV að annast það verkefni að gera tillögur um með hvaða hætti unnið verði að lausn á þessu viðfangsefni og kalli til sérfræðinga í skipulagsmálum og lögfræðinga sem verði falið að setja upp tillögur að regluverki sem sveitarfélögin afgreiði sem hluta af skipulagsáætlunum í þeim tilgangi að tryggja hagsmuni húseigenda og bæjarfélaganna í heild. Byggðarráð tekur undir tillögu bæjarstjóra Stykkishólmsbæjar og felur sveitarstjóra að fylgja málinu eftir.

Minnisblað vegna vinnureglna um gististaði í íbúða

2.   Haukagil, sumarbúst.lnr 134650 – skilgreining, breyting – 1708025
Framlögð beiðni frá Ágústi Þór Jónssyni, kt. 290549-4429 og Þóru Áslaugu Magnúsdóttur, kt. 270548-8149, eigendum Haukagils í Hvítársíðu, til heimilis að Granaskjóli 44, 107 Reykjavík um að sumarhúsi að Haukagili, lnr. 134650, verði breytt í íbúðarhús. Ennfremur er lögð fram beiðni þess efnis að nafni hússins verði breytt í Stekkjarkot. Byggðarráð samþykkir erindið enda uppfylli húsið öll tilskilin skilyrði um íbúðarhús.
3.   Bær 1A 133829 – Umsókn, stækkun lóðar – 1707021
Erindi frá 160. fundi sveitarstjórnar.
Lögð fram umsókn um stækkun lóðar að Bæ 1A, lnr. 133829, sbr. tölvupóst frá Inga Tryggvasyni hrl. f.h. eigenda sem eru Þórir Ólafsson, kt. 240350-2549 og Jytta Jancy Jórunn Juul, kt. 250844-6979, til heimilis að Bæ 1 A. Borgarbyggð. Byggðarráð samþykkti erindið.
4.   Stjórnarferð RARIK um Vesturland 24.-25.ágúst nk. – 1708028
Framlög tilkynning um ferð stjórnar RARIK um Vesturland dagana 24. Og 25. ágúst n.k. Fundur verður haldinn með sveitarstjórn Borgarbyggðar í Borgarnesi þann 25. ágúst n.k. kl. 16:00. Byggðarráð hvetur sveitarstjórnarfulltrúa til að mæta til fundarins og taka upp viðræður um stöðuna á lagningu þriggja fasa rafmagns um Borgarbyggð.
5.   Dómur Héraðsdóms Vesturlands vegna álagningar fjallskilagjalds – 1708026
Framlagðar bókanir af fundi Fjallskilanefndar Borgarbyggðar sem haldinn var þann 11. ágúst sl. Byggðarráð tók undir efni bókananna.
6.   Tilkynning og beiðni um gögn v. Hús & lóðir ehf. – 1708040
Kynnt bréf Samgöngu- og sveitarstjórnarráðuneytisins dags. 14. ágúst 2017 þar sem óskað er eftir gögnum vegna samnings um greiðslur gatnagerðargjalda sem gerður var við Hús og lóðir ehf vegna framkvæmda að Borgarbraut 57-59. Byggðarráð fól sveitarstjóra að svara erindi ráðuneytisins.

Bréf ráðuneytis samgöngu – og sveitarstjórnarmála_000162

7.   Grunnskólinn í Borgarnesi – endurbætur 2017 – 1708032
Gestir
Gísli Karel Halldórsson – 08:45
Kristján Finnur Kristjánsson – 08:45
Málefni Grunnskólans í Borgarnesi. Gísli Karel Halldórsson sviðsstjóri og Kristján Finnur Kristjánsson umsjónarmaður eignasjóðs mættu til fundarins og fóru yfir aðgerðaáætlun v. endurbætur í Grunnskólanum í Borgarnesi vegna niðurstaðna úr úttekt verkfræðistofunnar Eflu um myglu og rakaskemmdir í húsnæði Grunnskólans í Borgarnesi. Sveitarstjóri sagði frá fundi sem hann, ásamt sviðsstjóra fjölskyldusviðs og umsjónarmanni eignasjóðs sátu í Grunnskólanum með starfsmönnum þar sem farið var yfir aðgerðaráætlun um endurbætur og nýbyggingu. Vinna er hafin við brýnustu endurbætur í framhaldi af skýrslu Eflu.

Grunnskólinn í Borgarnesi-aðgerðaráætlun

8.   Samstarf Borgarbyggðar og Stykkishólmsbæjar í menningarmálum – viljayfirlýsing – 1707035
Gestir
Guðrún Jónsdóttir – 09:20
Framlögð viljayfirlýsing Borgarbyggðar og Stykkishólmsbæjar um samstarf í menningarmálum. Stykkishólmsbær samþykkti viðlíka yfirlýsingu þann 29.06 2017. Guðrún Jónsdóttir, forstöðumaður Safnahúss Borgarfjarðar mætti til fundarins. Byggðarráð samþykkti yfirlýsinguna en lagði áherslu á að mikilvægt væri að finna farveg fyrir samstarf um ákveðin skilgreind menningarverkefni til að styrkja frekara samstarf að menningarmálum milli sveitarfélaganna.

Viljayfirlýsing Borgarbyggðar og Stykkishólmsbæjar

9.   Snjómokstursáætlun 2017-2018 – 1708021
Gestir
Gísli Karel Halldórsson – 09:57
Framlög snjómokstursáætlun fyrir Borgarnes frá sviðsstjóra Umhverfis- og skipulagssviðs. Byggðarráð lýsti ánægju sinni með áætlunina og óskar eftir sambærilegri áætlun fyrir dreifbýlið og aðra þéttbýliskjarna.

Snjómokstursplan

Snjómokstursplan Borgarbyggð – texti

Sjómokstursplan gangstéttir

10.   Menntun fyrir alla á Íslandi. – 1708033
Framlagðar til kynningar upplýsingar um ráðstefnu um Menntun fyrir alla sem haldin verður í húsnæði Háskóla Íslands í Stakkahlíð þann 24. ágúst n.k.
11.   Málþing um íbúalýðræði – 1708034
Framlagðar til kynningar upplýsingar um málþing á vegum Sambands íslenskra sveitarfélaga um íbúalýðræði sem haldið verður í Reykjavík þann 5. september n.k.
 Fleira ekki gert. Fundi slitið kl. 10:05