422-Byggðarráð Borgarbyggðar

422. fundur Byggðarráðs Borgarbyggðar haldinn í fundarsal í ráðhúsi að Borgarbraut 14 í Borgarnesi, 3. ágúst 2017 og hófst hann kl. 08:15

Fundinn sátu:
Björn Bjarki Þorsteinsson varaformaður, Magnús Smári Snorrason varamaður, Finnbogi Leifsson varamaður, Gunnlaugur A. Júlíusson sveitarstjóri og Eiríkur Ólafsson.

Fundargerð ritaði: Eiríkur Ólafsson

Dagskrá:Byggðarráð Borgarbyggðar – 422

1. Samanburður fjárhags við fjárhagsáætlun 2017 – 1706051
Eiríkur Ólafsson, sviðsstjóri fjármála- og stjórnsýslusviðs lagði fram samanburð á rekstrarkostnaði sveitarfélagsins fyrstu sex mánuði ársins við fjárhagsáætlun fyrir sama tímabil.
Rekstrarkostnaður er heldur minni en áætlun gerir ráð fyrir. Byggðarráð leggur áherslu á að eftirlit með rekstri sé stöðugt og virkt.

2. Slökkvilið Borgarbyggðar – stefnumótun – 1707037
Bjarni Kr. Þorsteinsson slökkviliðsstjóri mætti til fundarins. Hann fór yfir ýmis mál sem varða verkefni og starfsemi slökkviliðsins, bæði hvað varðar verkefni innan Borgarbyggðar svo og sem varðar samstarf um þjónustu slökkviliðsins við nágrannasveitarfélög. Nauðsynlegt sé að huga að stefnumótun í ýmsum málum til næstu ára.
Byggðarráð ræddi framkomnar upplýsingar.

3. Beiðni Orkuveitu Reykjavíkur um ábyrgð vegan styrks frá INEA – 1707042
Lögð fram beiðni OR dags. 19.07. 2017 um einfalda hlutfallslega eigendaábyrgð Borgarbyggðar í samræmi við eignarhlut sveitarfélagsins í Orkuveitu Reykjavíkur. Óskað er eftir ábyrgðinni í tengslum við umsókn til OR um styrk frá ESB til vísindaverkefna. Ábyrgð Borgarbyggðar vegna þessa verkefnis mun nema rúmlega 5.000 Evrum.
Byggðarráð samþykkti erindið.

4. Tilkynning um fasteignamat 2018 – 1707046
Lögð fram tilkynning um nýtt fasteignamat frá Þjóðskrá. Samkvæmt matinu hækkar almennt fasteignamat milli ára í Borgarbyggð um 16,4% og lóðamat um 41,4%.
Byggðarráð ítrekar fyrri bókun um að skattbyrði á íbúðarhúsnæði hækki ekki þrátt fyrir hækkun fasteignamatsins.

5. Beiðni um byggingu skjólveggs/hljóðmúrs við Hrafnaklett – 1707044
Lagt fram erindi íbúa átta húsa við Stöðulsholt (22-36), dags. 6. júlí 2017, þar sem óskað er eftir því að reistur sé skjólveggur/hljóðmúr fyrir aftan götuna Hrafnaklettsmegin.
Byggðarráð vísaði erindinu til umhverfis- og skipulagssviðs til umfjöllunar.

6. Tilkynning um skógrækt að Rauðsgili – 1707056
Lagt fram erindi Skógræktar ríkisins, dags. 20. júlí 2017, þar sem tilkynnt er um gerð skógræktarsamnings á jörðinni Rauðsgil, lnr. 134509, í Borgarbyggð. Samningurinn tekur til 53 ha lands og er samliggjandi landi skv. eldri skógræktarsamningi og skógræktarsvæði á samliggjandi jörð.
Vísað til umhverfis-, skipulags- og landbúnaðarnefndar.

7. Hvítárholt 2 – beiðni um umsögn – 1707062
Framlögð beiðni Ingvars Þórs Jóhannssonar, kt. 230571-5709 og Jóhönnu Erlu Jónsdóttur, kt. 250974-4699, til heimilis að Hlöðutúni, þar sem óskað er eftir umsögn sveitarstjórnar um stöfnun lögbýlis að Hvítárholti 2. Með fylgir afrit af þinglýstum kaupsamning.
Byggðarráð samþykkti að gefa jákvæða umsögn um erindið.

8. Lóðarleigusamningur v. Gleym mér ei – 1707061
Lagður fram nýr lóðarleigusamningur Borgarbyggðar við Sædísi Guðlaugsdóttur, kt. 240663-7169, dags. 26. júlí 2017, v. gróðrarstöðvarinnar „Gleym mér ei“.
Byggðarráð samþykkti samninginn.

9. Plan B – afnot af húsnæði 2017, samningar – 1708001
Lagðir fram samningar milli Borgarbyggðar og Sigríðar Óðinsdóttur, kt. 030981-5129, um afnot af Óðali og félagsheimilinu Valfelli vegna undirbúnings að listahátíðinni Plan B.
Byggðarráð samþykkti samningana og veitir Plan B styrk sem nemur sömu upphæð og leigugjald er fyrir afnot af Óðali og Valfelli þann tíma sem samið er um afnot Plan B af þeim.

10. Framkvæmdir og viðhaldsmál 2017 – 1708002
Til fundarins mætti Guðrún Hilmisdóttir verkefnastjóri. Hún gaf yfirlit um framkvæmd stærri viðhaldsmála það sem af er árinu og hvað er framundan í þeim efnum.

11. Samningar um skólaakstur 2017-2021 – 1707059
Lagðir fram samningar um skólaakstur á árunum 2017-2021.

12. Hallkelsstaðahlíð lnr. 136048 – stofnun lóðar, Steinholt 2 – 1708004
Lögð fram umsókn Skútu ehf um stofnun 1,97 ha lóðar úr landi Hallkelsstaðahlíðar lnr. 136048. Lóðin fær nafnið Steinholt 2.
Byggðarráð samþykkti að lóðin verði stofnuð.

13. Eingreiðsla skv. kjarasamningum – bréf – 1708008
Lagt fram bréf Evu Láru Vilhjálmsdóttur dags. 02.08.’17 varðandi kjaramál.
Byggðarráð samþykkti að fela sveitarstjóra að afla frekari upplýsinga varðandi málið.

14. Byggingarnefnd Grunnskólans í Borgarnesi – fundargerðir – 1611257
Lögð fram fundargerð byggingarnefndar Grunnskólans í Borgarnesi frá 31. júlí s.l.

Fleira ekki gert. Fundi slitið kl. 10:30