400-Byggðarráð Borgarbyggðar

  1. fundur Byggðarráðs Borgarbyggðar

haldinn  í fundarsal í ráðhúsi að Borgarbraut 14 í Borgarnesi, 29. desember 2016 og hófst hann kl. 09:00

Fundinn sátu:

Geirlaug Jóhannsdóttir formaður, Björn Bjarki Þorsteinsson varaformaður, Guðveig Eyglóardóttir aðalmaður, Ragnar Frank Kristjánsson áheyrnarfulltrúi og Gunnlaugur A. Júlíusson sveitarstjóri.

Fundargerð ritaði:  Kristján Gíslsson

Dagskrá:Byggðarráð Borgarbyggðar – 400

 

1.   Frístund, íþrótta – og tómstundaskóli- gjaldskrá 2017 – 1612261
Framlögð til staðfestingar gjaldskrá fyrir Frístund, íþrótta og tómstundaskóla UMSB og Borgarbyggðar. Byggðarráð staðfesti gjaldskrána.

Gjaldskrá frístund 2017

2.   Húsnæðisáætlanir, stofnframlög og skyldur sveitarfélaga – 1612263
Framlagt bréf dagsett 7. desember 2016 frá Landssamtökunum Þroskahjálp varðandi húsnæðisáætlanir, stofnframlög og skyldur sveitarfélaga gagnvart fötluðu fólki. Landssamtökin hvetja stjórnendur sveitarfélaga eindregið til að huga sérstaklega að aðstæðum og þörfum fólks með þroskahömlun og fatlaðs fólks almennt þegar þeir gera áætlanir í húsnæðismálum og setja reglur og/eða taka ákvarðanir um veitingu stofnframlaga samkvæmt nýjum lögum sem um það gilda. Byggðarráð þakkar erindið og samþykkir að vísa erindinu til umfjöllunar Velferðarnefndar.

Bréf Þroskahjálpar

3.   Kjaramál sveitarstjórnar – 1612264
Gestir
Eiríkur Ólafsson – 09:10
Kjaramál sveitarstjórnar. Byggðarráð ræddi kjaramál sveitarstjórnar í framhaldi af niðurstöðu Kjararáðs frá því þann 30. október sl. Sveitarstjórn tekur laun sem hlutfall af þingfararkaupi. Byggðarráð samþykkti að fela sviðsstjóra fjármála – og stjórnsýslusviðs að taka saman minnisblað um þróun starfskjara sveitarstjórnar fyrir næsta funda byggðarráðs.
4.   Tekjumörk vegna afsláttar af fasteignaskatti elli- og örorkulífeyrisþega á árinu 2017 – 1612272
Tillaga að tekjumörkum vegna afsláttar af fasteignaskatti elli- og örorkulífeyrisþega á árinu 2017 framlögð.
Framlögð tillaga að tekjumörkum vegna afsláttar af fasteignaskatti fyrir elli- og örorkulífeyrisþega á árinu 2017. Byggðarráð samþykkti tillöguna.

Tekjurmörk vegna afsláttar af fasteignaskatti

5.   Umsókn um styrk vegna ársins 2016 – 1612273
Framlögð umsókn Skógræktarfélags Borgarfjarðar um styrk til starfsemi sinnar fyrir árið 2016. Byggðarráð samþykkti að veita félaginu styrk að upphæð 100 þús. kr. í samræmi við fjárhagsáætlun.

Bréf Skógræktarfélags Borgarfjarðar

6.   Ímynd Borgarbyggðar – 1612267
Framlagt skjal frá H:N Markaðssamskiptum, dags. 28. október 2016, þar sem lögð eru fram frumdrög í nokkrum liðum að vinnuferli og kostnaðaráætlun vegna ímyndarvinnu fyrir Borgarbyggð. Byggðarráð ræddi viðfangsefnið, þörfina fyrir ímyndarvinnu og annað sem tengist slíku viðfangsefni. Byggðarráð samþykkti að hefja vinnu við endurnýjun kynningarefnis fyrir sveitarfélagið.
7.   Mál nr. 143_2016 – Borgarbraut 59, úrskurður – 1612266
Gestir
Guðrún Hilmisdóttir – 10:15
Gunnar S. Ragnarsson – 10:15
Ómar Karl Jóhannesson – 10:15
Framlagður úrskurður Úrskurðarnefndar umhverfis- og auðlindamála í máli nr. 143/2016 frá 23. desember sl. þar sem byggingarleyfi fyrir hótelbyggingu að Borgarbraut 59 er fellt úr gildi. Til fundarins mættu Ómar Jóhannesson, lögmaður hjá Pacta ehf, Guðrún Hilmisdóttir forstöðumaður Umhverfis- og skipulagssviðs og Gunnar S. Ragnarsson skipulags- og byggingarfulltrúi. Byggðarráð ræddi stöðuna og viðbrögð við þeirri stöðu sem upp er komin. Samþykkt að fela lögmanni að óska eftir endurupptöku úrskurðarins.

GE leggur fram eftirfarandi bókun:
„Nú liggur fyrir að Úrskurðanefnd umhverfis- og auðlindamála (ÚUA)hefur kveðið upp úrskurð í kæru er varðar framkvæmdir á Borgarbraut 59 þar sem fram kemur að ákvörðun um að samþykkt leyfi til byggingaraðila um byggingu hótels hafi ekki verið í samræmi við gildandi deiliskipulag. Eins liggur fyrir að framkvæmdaraðili tók ákvörðun um að halda áfram við verkið þrátt fyrir framkomna kæru og fyrri úrskurð ÚUA um að breytt deiliskipulag yrði fellt úr gildi. Undirrituð telur að niðurstaða ÚUA endurspegli þau vinnubrögð sem hafa verið viðhöfð í málinu allt frá því að fyrsta skóflustunga var tekin án vitundar minnihluta sveitarstjórnar, og án þess að samningur hafði verið lagður fyrir byggðarráð eða sveitarstjórn. Faglegum vinnubrögðum og ábyrgri stjórnsýslu hefur verið fórnað á kostnað kröfu um málshraða eins og undirrituð varaði við og tók fram í bókun 29. september s.l. Ljóst er að með þessum úrskurði, sem er annar sem sveitarfélagið fær frá ÚUA á þessu ári hafi traust til stjórnsýslunnar laskast. Undirrituð telur að íbúar eigi rétt á því að fá greinagóða kynningu á ferli málsins allt frá upphafi, hver axlar ábyrgð á umræddum vinnubrögðum og hver verði næstu skref í málinu“

Byggðarráð felur sveitarstjóra að taka saman minnisblað um feril málsins.

Úrskurður í máli nr. 143_2016

8.   Fundargerð 140. fundar Heilbrigðisnefndar Vesturlands 19.12.2016 – 1612268
Framlögð fundargerð 140. fundar stjórnar Heilbrigðisnefndar Vesturlands frá 19.12.2016

140. fundur HeV

9.   Fundargerð 845. fundar stjórnar sambandsins dags 16.12.2016 – 1612269
Fundargerð 845. fundar stjórnar sambandsins frá 16.12.2016 lögð fram.

Fundargerð fundar nr. 845

10.   Fundargerð 103 fundar samstarfsnefndar FL og SNS dags. 20.12.2016 – 1612270
Fundargerð samstarfsnefndar FL og SNS nr. 103  framlögð ásamt launatöflum fyrir Félag leikskólakennara.

103. fundur FL og SNS

Fleira ekki gert. Fundi slitið kl. 11:45