166-Fræðslunefnd Borgarbyggðar

Geirlaug Jóhannsdóttir, (sign)Lilja Björg Ágústsdóttir, (sign)Sigurður Guðmundsson, (sign)Halldóra Lóa Þorvaldsdóttir, (sign)Anna Magnea Hreinsdóttir, (sign)

 

Fræðslunefnd Borgarbyggðar – 166166. fundur Fræðslunefndar Borgarbyggðar

haldinn  í fundarsal í ráðhúsi að Borgarbraut 14 í Borgarnesi, 20. febrúar 2018

og hófst hann kl. 15:00

 

 

Fundinn sátu:

Geirlaug Jóhannsdóttir formaður, Lilja Björg Ágústsdóttir varaformaður, Sigurður Guðmundsson aðalmaður, Halldóra Lóa Þorvaldsdóttir aðalmaður og Anna Magnea Hreinsdóttir sviðsstjóri fjölskyldusviðs.

 

Fundargerð ritaði:  Anna Magnea Hreinsdóttir, sviðsstjóri fjölskyldusviðs

 

Einnig sátu fundinn Þórunn Kjartansdóttir fulltrúi grunnskólakennara, Ástríður Guðmundsdóttir fulltrúi leikskólastjóra, Guðbjörg Hjaltadóttir fulltrúi leikskólakennara og Rakel Bryndís Gísladóttir fulltrúi foreldra leikskólabarna.

 

Dagskrá:

 

1.   Dagur leikskólans 2018 – 1802075
Dagur leikskólans haldinn hátíðlegur í Borgarbyggð.
Á degi leikskólans sem var haldinn hátíðlegur í ellefta skiptið 6. febrúar sl. var vakin athygli á starfsemi leikskóla. Einhverjir leikskólar voru með opið hús, myndlistarsýningu, morgunkaffi fyrir foreldra og fleira skemmtilegt var gert í tilefni dagsins. Börn úr einum leikskóla tóku viðtal við sveitarstjóra og áætla að gefa út blað. Dagurinn hefur einnig verið nýttur til að hvetja fólk til að sækja í leikskólakennaranám. Nefndin óskar leikskólum til hamingju með daginn og faglegt og fjölbreytt starf.
2.   Mötuneyti skóla – 1801159
Viðmið Borgarbyggðar um næringargildi skólamálsverða.
Skólastefna Borgarbyggðar kveður á um að viðmið verði sett um næringargildi skólamálsverða. Rætt var um að samræma viðmið mötuneyta, matseðla og uppskriftir. Einnig að matur sé eldaður frá grunni í skólamötuneytum. Æskilegt er að innkaup verði samræmd að einhverju leyti. Leiðbeiningar Embætti landlæknis eru þau viðmið sem flestir skólar fara eftir. Meta þarf árangur af samrekstri mötuneyta á Hvanneyri og einnig þarf að skoða breytingar á mötuneyti Grunnskólans í Borgarnesi með tilkomu matsalar. Nefndin leggur til að matráðar ásamt sviðsstjóra fjölskyldusviðs móti áherslur í mötuneytum skóla í Borgarbyggð og skoði innkaup með hagkvæmni í huga. Áherslurnar verði unnar með Heilsueflandi samfélag í huga og viðmið um heilbrigði og velferð í skólastefnu Borgarbyggðar. Taka þarf sérstakt tillit til mataróþols og matarofnæmi og móta verklag þar um.
3.   Skóladagatal 2018-2019 – 1802074
Tillögur að skóladagatali leikskóla, grunnskóla og tónlistarskóla lagðar fram ásamt umsögnum foreldraráða leikskóla og skólaráða grunnskóla. Lögð er áhersla á samræmda skipulagsdaga á skóladögum nemenda.
Farið var yfir umsagnir skólaráða og foreldraráða með skóladagatali leikskóla og grunnskóla fyrir veturinn 2018-2019. Fræðslunefnd leggur til að fimm skipulagsdagar leikskóla og grunnskóla veturinn 2018-2019 verði samræmdir og verði þeir haldnir 14. september, 5. nóvember, 16. janúar, 22. mars og 7. maí samkvæmt tillögum skólastjórnenda. Er það gert með hagsmuni íbúa í huga. Nefndin samþykkir flutning á skipulagsdögum hjá Grunnskóla Borgarfjarðar vegna kynnisferðar til Kanada og væntir þess að fá kynningu á ferðinni að henni lokinni. Nefndin samþykkir einnig tveggja daga vetrarleyfi á haustönn og vorönn eins og tillaga er gerð um.
4.   Íþrótta- og tómstundastefna Borgarbyggðar – 1711075
Vinna við endurskoðun íþrótta og tómstundastefnu Borgarbyggðar
Lilja Björg Ágústsdóttir formaður stýrihóps um endurskoðun á stefnu Borgarbyggðar í íþróttum og tómstundum sagði frá vinnu við gerð stefnu í málaflokknum. Íbúafundur var haldinn sem var vel sóttur. Margar hugmyndir komu fram á fundinum sem munu nýtast við gerð stefnunnar. Einnig verður rætt við nemendur í grunnskólum varðandi íþrótta og tómstundastarf og hvernig hægt sé að koma betur til móts við áhugasvið þeirra í félagsstarfi. Áætlað er að drög að stefnu verði lögð fyrir fræðslunefnd í vor.

 

 

 

 

 

Fleira ekki gert. Fundi slitið kl. 16:40

 

 

___________________________                       ___________________________

 

 

 

 

___________________________                       ___________________________

 

 

 

___________________________                       ___________________________

 

 

 

 

___________________________                       ___________________________