Ást gegn hatri

adminFréttir

SelmaFimmtudaginn 26. febrúar munu feðginin Selma og Hermann koma í Borgarnes með erindi sitt sem þau kalla Ást gegn hatri. Selma mun hitta nemendur í 5. – 7. bekk kl. 11.00 og 8. – 10. bekk kl. 12.30 í Óðali og ræða við þá um reynslu sína, en hún varð fyrir einelti í skóla. Hermann verður með fræðslu fyrir foreldra og aðra sem áhuga hafa kl. 19.30 í Hjálmakletti.  

Heimferð fyrr og árshátíð frestað

adminFréttir

Vegna veðurs fara nemendur Grunnskóla Borgarfjarðar á Kleppjárnsreykjum og Varmalandifyrr heim í dag, 25. febrúar. Brottför frá skóla er kl. 12.15. Kennt verður á Hvanneyri skv. stundaskrá en foreldrar ákveða hvort þeir sækja börnin eða ekki. Árshátíð unglingadeildar á Kleppjárnsreykjum sem vera átti í Logalandi í kvöld er einnig frestað vegna veðursins.

Samstarf foreldra – samstarf heimila og skóla

adminFréttir

Miðvikudaginn 25. febrúar verður fulltrúi frá Heimiili og skóla með fræðslu um samstarf foreldra og samstarf heimila og skóla. Erindið verður kl. 19.30. í Hjálmakletti. Erindið er mikilvægt fyrir alla foreldra grunnskólabarna í Borgarbyggð. Hér gefst gott tækifæri til að fræðast um hvernig við getum bætt samskipti og haldið áfram að vinna vel saman. Allir foreldrar og áhugafólk um skólamál í Borgarbyggð eru velkomnir.

Söngleikjatónlist í Landnámssetrinu

adminFréttir

Söngnemendur Tónlistarskóla Borgarfjarðar halda tónleika í Landnámssetrinu miðvikudaginn 25. mars næstkomandi og hefjast þeir kl. 20:00. Undanfarnar vikur hefur Alexandra Chernyshova söngkennari verið að æfa söngleikjalög með nemendunum og verður dagskráin fjölbreytt og skemmtileg. Jónína Erna Arnardóttir leikur með á píanó. Enginn aðgangseyrir er að tónleikunum og eru allir velkomnir meðan húsrúm leyfir. Landnámssetrið mun vera með góðan kvöldverð fyrir þá sem vilja fyrir tónleikana.  

Vatnsveitur á lögbýlum

adminFréttir

Veittir eru styrkir úr Jöfnunarsjóði sveitarfélaga til að leggja vatnsveitu að einstökum bæjum í dreifbýli samkvæmt reglugerð nr. 973/2000 með síðari breytingum. Rafrænar umsóknir um styrki er hægt að fylla út á Bændatorginu (www.bondi.is) og umsóknarfrestur er til 15. mars 2015. Með umsókn skal fylgja staðfest kostnaðar- og framkvæmdaáætlun. Rafrænt umsóknarform verður opnað þriðjudaginn 24. febrúar nk. Reglugerð er að finna á Bændatorginu. Nánari upplýsingar veitir Guðrún S. Sigurjónsdóttir í

Styrkir til greiðslu fasteignaskatts til félaga og félagasamtaka

adminFréttir

Sveitarstjórn Borgarbyggðar samþykkti þann 16. maí 2007 reglur um styrki til greiðslu fasteignaskatts til félaga og félagasamtaka skv. 2. mgr. 5. gr. laga um tekjustofna sveitarfélaga nr. 4/1995. Félög og félagasamtök geta nú sótt um styrk til greiðslu fasteignaskatts fyrir árið 2015. Umsóknarfrestur er til 1. maí 2015 og skal öllum umsóknum skilað til fjármálastjóra. Reglur og umsóknareyðublöð liggja frammi í Ráðhúsi Borgarbyggðar í Borgarnesi og á heimasíðu Borgarbyggðar.

Breyting á Aðalskipulagi Borgarbyggðar – Bjarnhólar

adminFréttir

Breyting á Aðalskipulagi Borgarbyggðar 2010-2022 Sorpförgun og efnistaka við Bjarnhóla í landi Hamars   Sveitarstjórn Borgarbyggðar samþykkti 20. nóvember 2014 breytingu á Aðalskipulagi Borgarbyggðar 2010-2022. Tillagan var auglýst frá 18. ágúst til 28. september 2014. Athugasemdir voru teknir til greina, ábending barst frá Umhverfisstofnun. Tillagan hefur verið send Skipulagsstofnun til staðfestingar. Þeir sem óska nánari upplýsinga geta snúið sér til skipulags- og byggingarfulltrúa Borgarbyggðar. Lulu Munk Andersen skipulags- og byggingarfulltrúi