Nýr stigi upp á Grábrók

adminFréttir

Umhverfisstofnun hefur nú samið við byggingarfyrirtæki Eiríks J. Ingólfssonar um smíði nýs 103 þrepa stiga á Grábrók og mun fyrirtækið hefja þá smíði í haust. Þetta verður verðug viðbót við þá stiga sem fyrir eru á svæðinu og ferðamenn láta mjög vel af.

Tré, blómaker og holtagrjót á Kleppjárnsreykjum

adminFréttir

Við veginn sem liggur heim að Grunnskóla Borgarfjarðar á Kleppjárnsreykjum hefur verið komið fyrir fjórum menningarborgarkerjum og stóru holtagrjóti á milli þeirra. Við enda svæðisins var síðan plantað nokkrum birkitrjám.

Til gæludýraeigenda í Borgarbyggð

adminFréttir

Kæru gæludýraeigendur Samkvæmt samþykkt Borgarbyggðar um hunda- og kattahald er skylt að skrá öll dýr þeirra tegunda í sveitarfélaginu að undanskildum þeim dýrum sem eru utan þéttbýlis á lögbýlum. Þetta á ekki að koma neinum á óvart því sendar hafa verið út tilkynningar að minnsta kosti tvisvar á ári til að minna á þetta. Skráning er forsenda þess að Borgarbyggð geti staðið við lagalegar skyldur sínar varðandi eftirlit með gæludýrahaldi.

Ný og falleg gönguleið verður stikuð í sumar

adminFréttir

Umsjónarnefnd Einkunna samþykkti á fundi sínum í vor að hefja undirbúning á stikun tæplega 5 km gönguleiðar milli fólkvangsins Einkunna og Borgar á Mýrum auk viðbótarstígs að gömlu Kárastöðum.

Yllir milli aspa við gamla Sólbakkann

adminFréttir

Ylli hefur verið plantað milli allra aspartrjánna við iðnaðarhverfið við gamla Sólbakkann. Þær koma með tímanum til með að fylla upp í opið neðst milli aspartjánna að sumarlagi og blómstra hvítum blómum vegfarendum vonandi til ánægjuauka.   HSS verktak sá um að grafa holurnar og flytja að hrossaskít og mold frá Bjarnhólum. Það var sumarstarfsmaðurinn Unnar Eyjólfur Jensson sem plantaði þessum 90 fallegu ylliplöntum sem keyptar voru hjá Gróðrastöðinni Gleym

Sjálfboðaliðar að störfum

adminFréttir

Nokkrir hópar sjálfboðaliða hafa verið við störf í Borgarbyggð það sem af er sumri á vegum Umhverfisstofnunnar undir stjórn landvarðar. Unnið var í stígnum að Eldborg þar sem þrep voru löguð auk stiga og stíga. Hópurinn við Grábrók vann við að loka gömlum rofsvæðum með mosaígræðslu og laga stíga. Einnig var gerð tilraun til að endurheimta landslag við Grábrókargíg, með því að loka einum af gömlu stígunum í hlíð gígsins.

Menntaskóli Borgarfjarðar – fjármálastjóri

adminFréttir

Menntaskóli Borgarfjarðar auglýsir 50% stöðu fjármálastjóra Fjármálastjóri annast fjárreiður skólans, færir bókhald, sér um áætlanagerð, uppgjör og fleira. Hæfniskröfur: Menntun sem nýtist í starfi. Reynsla af bókhaldi og fjármálastjórnun. Hæfni í mannlegum samskiptum. Ráðið verður í starfið frá 1. september nk. Nánari upplýsingar gefur Kolfinna Jóhannesdóttir skólameistari, kolfinna@menntaborg.is eða í síma 866 1314. Umsóknarfrestur er til 9. ágúst og skal senda umsóknir ásamt ferilskrá á netfangið kolfinna@menntaborg.is.

Næsta UMSB ganga – Tunga

adminFréttir

Næsta ganga UMSB verður miðvikudaginn 17. júlí kl. 18.30. Gengið verður á Tungu (437 m) fyrir ofan Kalmannstungu. Gangan hefst við vegamótin þar sem beygt er upp á Arnavatnsheiði og að Surtshelli. Af Tungunni er fallegt útsýni yfir Norðlingafljót, Fljótstungurétt og Húsafell. Fyrir þá sem koma úr Borgarnesi eða nágrenni þá verður sameinast í bíla við íþróttamiðstöðina í Borgarnesi kl 17.30.

Fjallhús í Borgarfirði

adminFréttir

ÁlftakróksskáliNokkur fjallhús eru í eigu Borgarbyggðar. Flest eru þau notuð sem leitarmannaskálar á haustin en hægt er að fá gistingu fyrir einstaklinga og hópa á öðrum tíma. Húsin eru mismikið notuð enda aðgengi vegna staðsetningar misjafnt. Skálarnir á Arnarvatnsheiði og við Hítarvatn og Langavatn hafa t.d. notið mikilla vinsælda hjá göngu- og hestahópum. Hægt er að panta gistingu og fá upplýsingar um húsin hjá eftirtöldum:  

Frá Saman – hópnum

adminFréttir

Saman-hópurinn hefur sent hvatningu til allra sveitarstjórna landsins um að huga að forvarnarstarfi, sporna gegn áhættuhegðun unglinga og styðja við foreldra í uppeldishlutverkinu í tengslum við bæjarhátíðir. Sumarið er ávallt álagstími þegar kemur að því að foreldrar setji skýr mörk gagnvart unglingum sínum og því mikilvægt að skemmtanahaldarar sem og leyfisveitendur slíkra hátíða og annarra skemmtana axli ábyrgð á því að ekki skapist svigrúm fyrir áhættuhegðun unglinga og styðji þannig