Nýjárskveðja

adminFréttir

  Sveitarstjórn og starfsfólk Borgarbyggðar senda íbúum Borgarbyggðar og landsmönnum öllum bestu óskir um gleði og gæfuríkt nýtt ár og þakkar góð samskipti á liðnu ári.

Lokaskýrslur til Menningarsjóðs Borgarbyggðar

adminFréttir

Snemma árs veitti Menningarsjóður Borgarbyggðar styrki fyrir árið 2012 til menningarverkefna í Borgarbyggð. Samkvæmt reglum sjóðsins ber styrkhöfum að skila inn skýrslu um verkefni sín fyrir árslok. Þeir styrkhafar sem ekki hafa sent inn eru hér með minntir á að senda skýrslur sínar til Emblu Guðmundsdóttur þjónustufulltrúa, skrifstofu Borgarbyggðar, 320 Reykholt sem allra fyrst eða í síðasta lagi 15. janúar.

Mannamyndir í Safnahúsi

adminFréttir

  Í Safnahúsi hefur verið sett upp ný sýning, í þetta sinn á mannamyndum eftir ýmsa listamenn. Myndunum er stillt upp í anddyri bókasafnsins. Þær eru valdar af handahófi úr safnkosti Listasafns Borgarness, en stærstur hluti þess er upphaflega kominn til sem rausnargjöf Hallsteins Sveinssonar til Borgnesinga árið 1971.

Gleðileg jól

adminFréttir

Sveitarstjórn og starfsfólk Borgarbyggðar óska íbúum sveitarfélagsins og landsmönnum öllum gleðilegra jóla og farsældar á nýju ári. Þökkum samskiptin á árinu sem er að líða.

Opnunartími í íþróttamannvirkjum Borgarbyggðar um jól og áramót

adminFréttir

Um jól og áramót verður opið í íþróttamannvirkjum Borgarbyggðar sem hér segir:   Sundlaugin í Borgarnesi 23. des. Þorláksmessa, opið kl. 9 – 18 24. des. Aðfangadagur, opið kl. 9 – 12 Lifandi tónlist á milli kl. 10 -11 25. des. Jóladagur, lokað 26. des. Annar í jólum lokað 31. des. Gamlársdag, opið kl. 9 – 12 1. janúar Nýársdagur, lokað Sundlaugin á Varmalandi lokuð Sundlauginn á Kleppjárnsreykjum 23. des

Aðventurölt í gamla miðbænum

adminFréttir

Næstkomandi miðvikudagskvöld bjóða ýmis fyrirtæki í gamla miðbæ Borgarness heim og verða með ýmis tilboð í tilefni aðventu. Safnahús tekur dyggilega þátt með aukaopnun bókasafnsins frá 19-22 þetta kvöld auk þess sem myndlistarkonurnar Jóhanna Stefánsdóttir og Björk Jóhannsdóttir verða á vaktinni á sýningu sinni. Um aðventutilboðin má lesa hér fyrir neðan.

Koma jól yfir borg og bæ – Jólatónleikar fjölskyldunnar

adminFréttir

Miðvikudaginn 19. desember nk kl. 20:30 halda hjónin Theodóra Þorsteinsdóttir og Olgeir Helgi Ragnarsson ásamt dætrunum Sigríði Ástu og Hönnu Ágústu tónleika í Borgarneskirkju. Meðleik á píanó annast Ingibjörg Þorsteinsdóttir. Aðgangur verður ókeypis og allir velkomnir.

Fréttablaðskassar teknir niður

adminFréttir

Fréttablaðskassar sem er að finna í Borgarnesi, verða teknir niður 27/28. desember. Þetta er gert vegna aukinnar hættu á skemmdum um áramótin. Kassarnir verða aftur settir upp á nýju ári. Auglýst verður í Fréttablaðinu hvar hægt verður að nálgast blaðið þá daga sem kassarnir verða ekki uppi.

Frá Slökkviliði Borgarbyggðar

adminFréttir

Nú er sá árstími þegar hvað mest er hættan á eldsvoða vegna kertaljósa og skreytinga. Slökkvilið Borgarbyggðar vill vekja athygli á nokkrum atriðum: * Hefur þú athugað virkni reykskynjarans nýlega? Og skipt um rafhlöðu nú fyrir jólin? * Ertu með eldvarnateppi í eldhúsinu þínu? * Sýnið aðgát við meðferð, umbúnað og staðsetningu kertaskreytinga. * Ofhlaðið ekki fjöltengi. * Fargið gömlum og lélegum jólaseríum. * Yfirförum og hlöðum slökkvitæki. * Útvegum