Síðustu dagar fuglasýningar í Safnahúsi

adminFréttir

Síðustu dagar fuglasýningarinnar í Safnahúsinu í Borgarnesi verða þriðjudagur og miðvikudagur eftir páska og verður hún tekin niður fimmtudaginn 8. apríl. Hefur verið afar góð aðsókn og ekki síst hafa kennarar og leiðbeinendur gefið nemendum sínum tækifæri til að skoða þetta merka safn.

Vinnuskóli Borgarbyggðar

adminFréttir

Vinnuskóli Borgarbyggðar óskar eftir umsóknum nemenda fyrir sumarið 2010. Vinnuskólinn er fyrir unglinga í 8. – 10. bekk og verður settur mánudaginn 7. júní næstkomandi kl. 9.00 í Félagsmiðstöðinni Óðali. Vinnutímabil skólans verður 4 vikur eða frá 7. júní til 2. júlí. Daglegur vinnutími er frá kl. 8.30 – 16.00 alla virka daga nema föstudaga en þá er unnið til kl. 12.00. Umsóknarfrestur er til 7. maí næstkomandi. Nánari upplýsingar

Störf hjá Borgarbyggð

adminFréttir

Borgarbyggð auglýsir eftir starfsfólki í eftirtalin störf: Vaktstjóri við íþróttamiðstöðina í Borgarnesi, fullt starf Starfið er vaktavinna skv. gildandi vaktaplani og felst í vaktstjórn, stjórnun á innra skipulagi, yfirumsjón með öryggisgæslu við sundlaugarmannvirki úti og inni, í íþróttahúsi, vinnu við baðvörslu, þrif, afgreiðslu, uppgjör ofl. stjórnunarstörf. Skilyrði fyrir ráðningu er að viðkomandi standist hæfnipróf sundstaða og ljúki námskeiði í skyndihjálp. Umsóknarfrestur er til þriðjudagsins 20. apríl næstkomandi. Sumarafleysingar við íþróttamiðstöðvarnar

Íþróttamiðstöðvar opnar alla páskadagana

adminFréttir

Íþróttamiðstöðin í Borgarnesi verður opin dagana 1. apríl, skírdag til annars í páskum, 5. apríl frá kl. 9.00 – 18.00.   Sjá auglýsingu hér.     Opið verður í íþróttamiðstöðinni á Kleppjárnsreykjum dagana 29. mars – 5. apríl frá kl. 13.00 – 17.00.   Vakin er athygli á því að sundlaugin á Varmalandi verður lokuð um páskana.

Námsráðgjafi við grunnskóla Borgarbyggðar

adminFréttir

Borgarbyggð hefur gert samning við námsráðgjafa fyrir grunnskóla Borgarbyggðar. Elín Kristjánsdóttir námsráðgjafi hefur tekið að sér að veita námsráðgjöf í grunnskólunum og mun hún hefja störf strax í þessari viku. Á þessu skólaári verður lögð áhersla á námsráðgjöf til nemenda 10. bekkja og mun Elín fyrst og fremst veita upplýsingar og ráðgjöf varðandi innritun í framhaldsskóla. Forinnritun í framhaldsskólana stendur yfir dagana 12.- 16. apríl næstkomandi og endurskoðun á vali

Bílaþvottur í Borgarnesi

adminFréttir

Næstkomandi laugardag, 27. mars ætla krakkar úr 9. bekk Grunnskólans í Borgarnesi að bjóða upp á bílaþvott og bón í húsnæði BM Vallár í Borgarnesi. Opið verður frá kl. 9.00 – 17.00 og munu krakkarnir njóta liðsinnis foreldra sinna. Auglýsingu má nálgast hér.

Grunnskóli Borgarfjarðar á Kleppjárnsreykjum og Hvanneyri

adminFréttir

Kátir skólakrakkarSkólaráð Grunnskóla Borgarfjarðar hefur, að tillögu skólastjóra, samþykkt eftirfarandi breytingar á skóladagatali: Páskafrí verður frá og með föstudeginum 26. mars í Grunnskóla Borgarfjarðar á Hvanneyri og á Kleppjárnsreykjum. Kennsla hefst á ný þriðjudaginn 6. apríl. Árshátíð 1. -7. bekkja á Kleppjárnsreykjum verður 25. mars. Árshátíð á Hvanneyri verður frestað fram í maí, nánar auglýst síðar. Árshátíð unglingastigs verður einnig haldin í maí, nánar auglýst síðar. Fyrsti dagur í páskafríi

Spörum heita vatnið!

adminFréttir

Vegna vinnu við tengingu aðveituæðar frá Deildartungu til Akraness má búast við lægri þrýstingi á heita vatninu hjá notendum í Borgarnesi og á Akranesi í dag og á morgun. Orkuveita Reykjavíkur biður notendur um að fara sparlega með heita vatnið svo komast megi hjá vatnsskorti.

Sundlaugin í Borgarnesi – Útisvæði lokað!

adminFréttir

Vegna viðgerða Orkuveitu Reykjavíkur á aðalæð hitaveitunnar verður útisvæði sundlaugarinnar í Borgarnesi lokað í dag, fimmtudaginn 18. mars frá kl. 10.00 – 17.00. Lokunin hefur ekki áhrif á aðra starfsemi í íþróttamiðstöðinni og innilaugin verður opin.

Úthlutað úr Menningarsjóði Borgarbyggðar

adminFréttir

Á fundi Menningarsjóð Borgarbyggðar þann 8. mars síðastliðinn var úthlutað úr sjóðnum fyrir árið 2010. Fjölmargar umsóknir bárust en ekki reyndist unnt að styðja við alla þá menningarviðburði sem áætlaðir eru. Úthlutað var 1.650.000kr. og stjórn Menningarsjóðsins ákvað að veita eftirfarandi styrki á árinu 2010: