Málþing á Bifröst í dag

adminFréttir

Lagadeild Háskólans á Bifröst heldur málþing í dag kl. 13.00. Aðalfyrirlesari er Dr. jur. Jens Evald prófessor við Háskólann í Árósum. Aðrir fyrirlesarar eru Dóra Guðmundsdóttir, LLM, stundakennari á Bifröst; Ingibjörg Þorsteinsdóttir, lektor við Háskólann á Bifröst, Skúli Magnússon, héraðsdómari og dósent við Háskóla Íslands og Kristrún Heimisdóttir, lögfræðingur og stundakennari á Bifröst. Fundarstjóri er Bryndís Hlöðversdóttir forseti lagadeildar Háskólans á Bifröst og Ingibjörg Ingvadóttir lektor á Bifröst stýrir pallborðsumræðum

Samstarf um kvöldvökur – opið hús

adminFréttir

Landnámssetur og Safnahús Borgarfjarðar efna til samstarfs um fimmtudagskvöldvökur í nóvember og desember. Upplýsingar um fyrstu kvöldvökuna verður að finna á www.landnamssetur.is og á www.safnahus.is. Einnig hefur Landnámssetur tekið að sér milligöngu um að opna sýningu Safnahússins um Pourqoui Pas? utan auglýsts opnunartíma Safnahússins. Á miðvikudagskvöldið næstkomandi, þann 1. nóvember, verður opið hús í Landnámssetri þar sem vetrarstarfið verður kynnt og ný gjafa- og minjagripaverslun opnuð. Einnig verða ýmis skemmtiatriði,

Safnahús Borgarfjarðar

adminFréttir

Safnahús Borgarfjarðar er við Bjarnarbraut í Borgarnesi og er opið alla daga frá kl. 13.00. Á mánudögum, miðvikudögum og föstudögum er það opið til 18.00, en á þriðjudögum og fimmtudögum er opið lengur: til 20.00.

Leikskólakennara vantar

adminFréttir

Leikskólakennara vantar í 100 % starf við leikskólann við Skallagrímsgötu í Borgarnesi frá og með 1. desember n.k. Vakin er athygli á því að ef ekki fæst leikskólakennari til starfa er ráðinn starfsmaður með aðra uppeldismenntun og/eða reynslu.

Blóðbankabíllinn í Borgarnesi

adminFréttir

Blóðbankabíllinn verður í Borgarnesi í dag miðvikudaginn 25. október frá kl. 10:00-17:00. Bíllinn verður við Hyrnuna. Allir sem eru heilsuhraustir á aldrinum 18-60 ára ( virkir blóðgjafar 65 ára) eru velkomnir. Framvísa þarf persónuskilríki með mynd í hvert skipti sem komið er í blóðgjöf.  

Fundur Skipulags- og bygginganefndar 31. október

adminFréttir

Minnt er á að fundur Skipulags- og bygginganefndar er á þriðjudaginn í næstu viku. Erindi sem leggja á fyrir nefndina á fundi hennar þá verða að hafa borist á skrifstofu sveitarfélagsins í síðasta lagi síðdegis fimmtudaginn 26. október.

Körfubolti: 87-84 í Borgarnesi í gærkvöldi

adminFréttir

Njarðvíkingar sigruðu Borgnesinga naumlega í spennandi leik sem spilaður var í Borgarnesi í gærkvöldi. Skallagrímur átti frábæran fyrri hálfleik en í seinni hálfleik komust Njarðvíkingar inn í leikinn sem varð æsispennandi í lokin og lauk með stöðunni 87-84. Fyrstu tveir leikir mótsins gefa vonir um að framundan sé gott tímabil hjá leikmönnum og stuðningsliði sem fjölmennti í stúkuna og skemmti sér hið besta. Sjá nánar á www.skallagrimur.is

Meðgöngusund

adminFréttir

Mánudaginn 23. október hefst meðgöngusund í Íþróttamiðstöðinni í Borgarnesi. Um er að ræða styrkjandi og liðkandi æfingar fyrir konur á meðgöngu. Sundið verður í innisundlauginni og hefst kl. 20.15 á mánudagskvöld, en verður svo einnig á fimmtudögum kl. 16.15 á sama stað. Leiðbeinandi er Helga Ágústsdóttir sjúkraþjálfari.  

Íslandsmeistari og stúlknameistari

adminFréttir

Borgfirðingar sópa að sér stórum titlum í huglægum íþróttum þessa dagana. Um helgina fór fram Íslandsmeistaramót kvenna í tvímenningi í Brids þar sem Borgnesingurinn Dóra Axelsdóttir sigraði ásamt Esther Jakobsdóttur. Þær tóku forystuna í seinni hluta mótsins og sigruðu með miklum yfirburðum. Á Skákþingi Íslands 15 ára og yngri helgina 7/8. október varð Tinna Kristín Finnbogadóttir frá Hítardal efst stúlkna og ber nú titilinn Stúlknameistari Íslands í skák. Tinna varð

Fundartímar Skipulags- og bygginganefndar

adminFréttir

Ákveðið hefur verið að reglulegir fundartímar Skipulags- og bygginganefndar Borgarbyggðar verði annan og síðasta þriðjudag hvers mánaðar. Erindi sem leggja á fyrir nefndina á fundi hennar á þriðjudegi verða að hafa borist á skrifstofu sveitarfélagsins í síðasta lagi síðdegis á fimmtudeginum þar áður.