Íbúum fjölgar í Borgarbyggð

adminFréttir

Hagstofa Íslands hefur gefið út bráðabirgðatölur um mannfjölda á Íslandi 1. desember 2001. Íbúum á Vesturlandi fjölgaði um 183 eða 1,3% milli áranna 2000 og 2001 sem er yfir landsmeðaltali. Samkvæmt tölum Hagstofunnar var íbúafjöldi í Borgarbyggð 2.523 þann 1. desember 2001. Hinn 1. desember 2000 voru íbúar Borgarbyggðar 2.468 og varð því fjölgun milli ára um 55 manns eða 2,2%. Fjölgunin er vel yfir landsmeðaltali sem var 1,2% aukning

Kennara vantar til starfa.

adminFréttir

Vegna forfalla vantar kennara að Grunnskólanum í Borgarnesi frá og með 1. janúar 2002. Um er að ræða 100% starf sem felst fyrst og fremst í bekkjarkennslu á miðstigi. Laun eru samkvæmt kjarasamningi KÍ og Launanefndar sveitarfélaga. Nemendur við skólann eru um 330 í 10 bekkjardeildum. Síðastliðið haust varð skólinn einsetinn og þá hófst einnig rekstur mötuneytis fyrir alla nemendur skólans.Nánari upplýsingar gefur Kristján Gíslason skólastjóri í símum 437-1229, 437-2269,

Útvarp Óðal, 101,3 er lokið.

adminFréttir

Jólaútvarpi unglingana í Óðali er lokið og tókst mjög vel í ár. Þættir voru vandaðir og dagskrá fjölbreytt og skemmtileg.

Staðardagskrá 21 fer vel af stað

adminFréttir

Bæjarstjórn Borgarbyggðar hefur ákveðið að koma á Staðardagskrá 21. Staðardagskrá 21 er heildaráætlun um þróun hvers samfélags fyrir sig. Þessi áætlun er jafnframt forskrift að sjálfbærri þróun. Sjálfbær þróun gerir okkur kleift að mæta þörfum okkar án þess að stefna í voða möguleikum komandi kynslóða að mæta sínum þörfum.

Orkuveita Reykjavíkur sf

adminFréttir

Í morgun var undirritaður samningur um stofnun sameignarfyrirtækis milli Reykjavíkurborgar, Akraneskaupstaðar, Hafnarfjarðarbæjar, Borgarbyggðar, Garðabæjar og Borgarfjarðarsveitar. Heiti sameignarfyrirtækisins er Orkuveita Reykjavíkur sem tekur til starfa 1. janúar 2002. Við stofnun yfirtekur fyrirtækið allar eignir og skuldir, réttindi og skyldur borgarstofnunarinnar Orkuveitu Reykjavíkur, Akranesveitu, Andakílsárvirkjunar, Hitaveitu Borgarness og eignarhluta Akranesbæjar, Borgarbyggðar og Borgarfjarðarsveitar í Hitaveitu Akraness og Borgarfjarðar.

Jólaútvarp!

adminFréttir

Jólaútvarp unglinganna í félagsmiðstöðinni Óðal er hafið ! Útvarpað verður fjölbreyttri dagskrá við allra hæfi frá kl. 10.oo – 23.oo fram að helgi.Fréttir úr bæjarlífinu, íþróttir, bekkjaþættir yngri bekkja, og fjörugir unglingaþættir í bland..

Hlaupabretti loksins komin í íþróttamiðstöðina.

adminFréttir

Þeir fjölmörgu dugnaðarforkar sem stunda þreksalinn glöddust mjög þegar tvö glæný og vönduð hlaupabretti komu í hús um daginn, enda vantar oft tæki í salinn miðað við þann fjölda sem stundar hann reglulega og nær frábærum árangri..

Viljayfirlýsing undirrituð

adminFréttir

Í dag, 10. desember, var undirrituð viljayfirlýsing Reykjavíkurborgar og Borgarbyggðar um sameiningu Orkuveitu Reykjavíkur, Hitaveitu Borgarness og eignarhluta Borgarbyggðar í Hitaveitu Akraness og Borgarfjarðar (HAB) frá 1. janúar 2002. Undirritunin fór fram í húsnæði Hitaveitu Borgarness að Sólbakka 15. Fulltrúar Reykjavíkurborgar við þessa undirritun voru Ingibjörg Sólrún Gísladóttir borgarstjóri og Alferð Þorsteinsson formaður stjórnar Orkuveitunnar, ásamt starfsmönnum Orkuveitunnar.

Æskulýðsball 2001

adminFréttir

Fimmtudaginn 29. nóvember sl. var haldið árlegt forvarnar og æskulýðsball á vegum Nemendafélags Grunnskólans í Borgarnesi og félagsmiðstöðvarinnar Óðals. Ballið var haldið á Hótel Borgarnesi.