Norðurlandamót í frjálsum á Skallagrímsvelli

adminFréttir

Ungmennasamband Borgarfjarðar, í samvinnu við Borgarbyggð og Frjálsíþróttasamband Íslands, hefur umsjón með Norðurlandamóti unglinga sem haldið verður á Skallagrímsvelli helgina 26. – 27. ágúst 2000. Þetta mót er fyrsta alþjóðlega frjálsíþróttamótið sem haldið er utan höfuðborgarsvæðisins. Er það mikill heiður fyrir Borgfirðinga að fá að halda mótið.

Umhverfisstefna Borgarbyggðar.

adminFréttir

Nú er lokið vinnu við Umhverfisstefnu Borgarbyggðar og var hún samþykkt á fundi Bæjarstjórnar Borgarbyggðar 25. apríl 2000. Þann dag, sem er Dagur umhverfisins samkvæmt ákvörðun ríkisstjórnarinnar, var stefnan kynnt í Íþróttamiðstöðinni í Borgarnesi og voru þar kynnt ýmis umhverfistengd verkefni sem unnið er að.

Ný ákvæði um efnistöku.

adminFréttir

Þann 1. júlí 1999 tóku gildi ný lög nr. 44/1999 um náttúruvernd og eru í þeim nokkrar breytingar frá fyrri lögum. Í lögunum eru m.a. ný og hertari ákvæði um nám jarðefna. Markmiðið með breytingunum er ekki að koma í veg fyrir efnistöku heldur fyrst og fremst að tryggja virkt eftirlit af hálfu náttúruverndaryfirvalda og vöndu vinnubrögð þannig að efnistaka verði eins og kostur er í sátt við umhverfið.

Jarðgerð lífræns úrgangs í Borgarbyggð

adminFréttir

Bæjarstjórn Borgarbyggðar samþykkti s.l. haust að stuðla að því að íbúar og fyrirtæki taki upp flokkun á sorpi í sveitarfélaginu. Sorpflokkun á heimilum verði í meginatriðum tvenns konar, þ.e. flokkun í lífrænt sorp sem fari í jarðgerð, og flokkun í annað sorp sem fari til urðunar.